Viyahapannatti p71

p71

bhagavatīcūrṇi: jīvāṇaṃ bhaṃte ! poha ti, to davvaṭṭhāe apaḍhamā, tahā ṇeraiyabhāvo aṇegabhāvo so patte tti | teṇa apaḍhamā, evaṃ jāva vemāṇiyā | siddhattamapattaṃ pattaṃ teṇa siddhā paḍhamā | āhāratteṇaṃ paḍhame aviggahagati samugghātaselesisiddhavajāhāragā | jīvassa āhāragatta paḍhamaṃ | evaṃ bahuso pattaṃ | evaṃ cauvīsā daṃḍato hutteṇa vi savvajīvā āhāragatteṇāṇaṃtaso | tahā ṇeraiyādī | siddhapade āhārapattā saṃbhavāto ṇa maggijjati ||cha||
aṇāhāraeṇaṃ bhante ! aṇāhārago viggaha-samugdhātaselesisiddhā | jīvapadesiyakevalisamugghāta selesisiddhā paḍhamā | sesa jīvā viggahagatīe | paḍhamā ṇeraiyādi | apaḍhamā aṇāhāragatā | siddhapade paḍhamā puhutte jīvapade tesu ceva siya ṇerajhyādisu | apaḍhamasiddhapade ya paḍhama bhavasiddhiṃ bhavasiddhiyattaṃ | jīyattaṃ davvadvattāe | jīvabhavyābhavyādīni kṛtvā jīvapade ṇeraiyādisu savvatthegattaṃ puhutteṇa apaḍhamā, tahā avattaṃ | ṇobhavasiddhiya ṇoabhavasiddhiyo siddho | so tabbhaveṇa paḍhamo | evaṃ eso bhedeṇa siddhe vi saṇṇī savve jīvā aṇaṃtae so teṇāpaḍhamā | tahā asaṇṇī vi ṇosaṇṇī ṇoasaṇṇī | jīvamaṇuyasiddhā egatta puhutteṇaṃ apaḍhamā | salesatvaṃ salesesu ceva maggijati | te ya egatta-puhutteṇa apaḍhamā alessehiṃ ti | jīvamaṇuyasiddhesu so ya bhāvo teṇa apattapuvvo patto teṇa paḍhamo egatta-puhutteṇa vi | sammattaṃ jeṇa aladdhaṃ laddhaṃ so paḍhamo pāḍheūṇa puṇo puṇo laddhaṃ apaḍhamo | evaṃ ratiyādipadesu siya siddhapade paḍhamaṃ | evaṃ apuhatteṇa vi siya jīvādisu vemāṇiyaṃtesu siddhapade paḍhamā | micchattaṃ savvattha jattha saṃbhavati tatthāpaḍhama egatta puhutteṇa sammamicchattaṃ jeṇa paḍhama pattaṃ so paḍhamo | jeṇa phāsetūṇa paḍipaḍiyaṃ puṇo pattaṃ so apaḍhamo egatta-puhattiyā | saṃjate sāmāyiyādī saṃjamo jīvamaṇussesu saṃbhavati | jeṇa paḍhama laddhaṃ so paḍhamo hotūṇa asaṃjayattaṃ gato puṇo pattaṃ tassāpaḍhamaṃ puhutte paḍhamā vi saṃti apaḍhamā vi, etesu padesu bahavo tattha saṃti | paḍipaḍitasaṃjamā hottūṇaṃ puṇo laddhavaṃto assaṃjayattaṃ | dosu vi egatta-puhuttesu paḍhamaṃ | saṃjatāsaṃjatattaṃ desekkadesatāviratī tiriyamaṇuesu taṃ jassa paḍhamaṃ so paḍhamo | jassa bi ti laṃbho tassāpaḍhamattaṃ puhatte vi siya ṇosaṃjatā ṇoasaṃjatā jīvasiddhesu egatta-puhutteṇa paḍhamā, bhavatthakevalī saṃjatamajhe sakasāya lobhādikasāyaṃtā paḍhamā dosu vi kasāyāṇādisiddhe, akasātī uvasāmagakhavagā siya khāigassa paḍhamā kasāittaṃ uvasāmagattho avassaṃ hotūṇaṃ ṇa hoti, tato ya ṇo bhavati teṇa paḍhamo vi, jīva-maṇuyasiddhapadesu ṇi siddhā ṇiyamā | paḍhamā ṇāṇī sāmaṇṇaṃ jīvādisu jīvapade jesu ṇāṇaṃ aladdhaṃ te paḍhamā | jesiṃ laddhaṃ ṇaṭuṃ laddhaṃte apaḍhamā | tahā ṇerajhyādisu vemāṇiyaṃtesu siddhapade paḍhamo ṇiyamā egatteṇa puhatteṇa