Viyahapannatti p72

p72

bhagavatīcūrṇiḥ paḍhamā vi atthi paḍhamā vi jīvādisu vemāṇiyaṃtesu siddhapade bahuyā vi paḍhamā | eva ṇeraiya-tiriya-maṇuyadevesu siddhe ṇatthi aṇṇāṇaṃgavaṃ matijñāna jīva-ṇeratiya-tiriya-manuya-devesu tahā sutamavadhi-manapajjavā vi egatta-puhatteṇa jīvādisu siya puhutte paḍhamā vi saṃti apaḍhamā vi | eso viseso siddhe puṇa catu ṇāṇā saṃbhava eva teṇa maggijati ||cha| jīvamaṇuyasiddhapadesu kevalaṇāṇaṃ apattapuvvaladdhaṃ teṇa paḍhamaṃ | aṇṇāṇaṃ sāmaṇṇaṃ | tahā matiaṇṇāṇa-suta-vibhaṃgā jahāsaṃbhavaṃ apaḍhamā avacchidā vicchedeṇa pattā sayāsīti sāmaṇṇaṃ tiṇṇi visesā jattha saṃbhavaṃti tatthāpaḍhamā | ayogī maṇaajogī | evaṃ vayi-kāyā'yogi tti pattaṃ, pattaṃ teṇa paḍhamo | so sāgarāṇāgārovayogo jīvapade siya paḍhamo, siddhaṃ daṇaṃ ṇeraiyādī apaḍhamā, siddhā tabbhāvovayogeṇa paḍhamā | savedasāmaṇṇā ṇapuṃsagitthīṇaṃ veyagā apaḍhamā, aveyagā jīva-maṇuya-siddha saṃbhāviṇo siddhā paḍhamā | uvasāmae apaḍhamo vi labbhati | sarīrā odāriyātiṇā ||5||cha|| paḍhamāpattapuvvamāsi tti kaṭṭa āhārayaṃ kassa ti paḍhama kassati dutiyādi vi havati | eta vivakkho apatto patto ti paḍhamo asarīrittaṃ | paṃca pajattīto tahā pajattīo ya savvajīvehi aṇegaso patto tti paḍhamā te paḍhamā'paḍhamaṃ magitaṃ | carimācarimaṃ bhaṇṇati | tattha gāhā
jo jaṃ pāvihiti puṇo bhāvaṃ so teṇa acarimo hoti |
accaṃta viyogo jassa jeṇa(bhāveṇa) so teṇa carimo tu ||cha|| jīve ṇaṃ bhaṃte ! ṇa kadāyi mocchati teṇācarimo | ṇeraiyabhavaṃ koti sijjhassamāṇa mocchati so carimo | aṇṇo puṇovavātī acarimo | evaṃ jāva vemāṇiyā siddhapadagato ṇa mocchati teṇa carimo | puhutte jīvatte jīvattaṃ ṇa mocchati teṇāsiddho teṇācarimo | sesa ratiyā ṇocarimā vi acarimā vi | evaṃ egatta pohattiyā daṃḍagā ṇeyā|
āhārato siddhā sijjhamāṇo acarimo seso acarimo | āhāratte jīve taṃ jīvattaṇaṃ ṇa mocchatti aṇāhārayā jīvasiddhapadesu vicchedeṇāsaṃsāriyā avicchedeṇa siddhā acarimā, ṇeraiyādiṇo siya je sijhaṃti te carimā | sesā acarimā | puhatte carimā vi saṃti | bhavasiddhiyā jīvā pade siyāsaṇṇaladdhiṃ paḍucca aṇavakaṃkhiyavisesa carimā vaissaṃti bhaviyattaṃ ṇeraiyādigatā bhavasiddhiyā siya carimā siya acarimā, ṇobhavasiddhiyā savve sijjhissaṃti tti kaṭṭha pohattie carimā vi acarimā vi | abhaviyā abhaviyasabhāvaṃ ṇa muṃcaṃti | ṇobhaviyā ṇoabhaviyā ya siddhā ṇa te tabbhāvaṃ muṃcissaṃti teṇācarimā | saṇṇī asaṇṇī carimā vi | je tabbhāvaṃ muṃcissaṃti acarimā vi ṇo muccissaṃti | ṇosaṇṇī ṇoasaṇṇī |