Nayadhammakahao 1.16.7.2

1.16.7.2

taē ṇaṁ sā sūmāliyā dāriyā taṁ dāsacēḍiṁ ēvaṁ vayāsī — ēva khalu dēvāṇuppiē! sāgaraē dāraē mamaṁ suhapasuttaṁ jāṇittā mama pāsāō uṭṭhēi uṭṭhēttā vāsagharaduvāraṁ avaṅguṇēi jāva paḍigaē taē ṇaṁ ahaṁ taō muhuttantarassa paḍibuddhā jāva vihāḍiyaṁ pāsāmi pāsittā gaē ṇaṁ sē sāgaraē ti kaṭṭu ōhayamaṇasaṅkappā jāva jhiyāyāmi, taē ṇaṁ sā dāsacēḍī sūmāliyē dāriyāē ēyamaṭṭhaṁ sōccā jēṇēva sāgaradattē satthavāhē tēṇēva uvāgacchaï uvāgacchittā sāgaradattassa ēyamaṭṭhaṁ nivēdēi.