Biha Kappa v1.p14

v1.p14

anuyoga / vyākhyā kī vidhi
śrutajñāna kī prāpti ke lie ācāyoṃ ne anuyoga / vyākhyā kī vyavasthā kī hai| anuyoga kī vidhi kā nirūpaṇa karate hue bhāṣyakāra ne likhā hai
pahalī paripāṭī meṃ sūtra kā kathana karanā cāhie| dūsarī paripāṭī meṃ niyuktimiśrita sūtra kā kathana karanā cāhie | tīsarī paripāṭī meṃ sampūrṇa anuyoga kā kathana karanā cāhie|' isa krama meṃ pada, padārtha, cālanā, pratyavasthāna se vistṛta kathana karanā cāhie| anuyoga kī yaha vidhi grahaṇa dhāraṇā samartha śiṣyoṃ ke lie hai| mandamati śiṣyoṃ ke lie anuyoga kī vidhi yaha hai
1. śiṣya guru kī vācanā ko mauna hokara sune |
2. dūsarī bāra śiṣya guru kī vācanā ko huṃkāra dekara sune, vandanā kare|
3. tīsarī bāra śiṣya guru kī bācanā sunakara bāḍhakāra kare yaha aisā hī hai, isa rūpa meṃ praśaṃsā kare|
4. cauthī bāra pratipṛcchā kare bhaṃte! yaha kaise hotā hai? isa prakāra praśna kare|
5. pāṃcavīṃ bāra vimarśa kare pramāṇa kī jijñāsā kare|
6. chaṭhī bāra meṃ śiṣya upadiṣṭa viṣaya kā pārāyaṇa kara letā hai|
7. sātavīṃ bāra meṃ pariniṣṭhā ko prāpta ho jātā hai-guru kī bhāṃti vyākhyā karane meṃ samartha ho jātā hai|" sūtra aura artha kā paurvāparya
anuyoga kyā hotā hai? aura kaba hotā hai? isa viṣaya meṃ bhāṣyakāra kā mantavya yaha hai-anu ke sātha yoga śabda jur̤ane se anuyoga śabda banatā hai| anu kā artha hai - paścātbhūta| aṇu ke sātha yoga śabda jur̤ane se aṇuyoga śabda niṣpanna hotā hai| aṇu kā artha hai thor̤ā isa śabda saṃyojanā ke anusāra jo paścātkṛta hai, alpa hai, vaha sūtra hai| sūtra kī racanā bāda meṃ hotī hai tathā vaha saṃkṣipta hotī hai, isalie use aṇu / anu kahā jātā hai| artha kā kathana pahale hotā hai tathā vaha vipula / vistṛta hotā hai, isalie anaṇu/ ananu kahalātā hai|
ācārya dvārā anuyoga kī mīmāṃsā sunakara śiṣya ne jijñāsā kī pahale sūtra hotā hai aura prakāśa / artha usake bāda hotā hai| laukika loga bhī yahī cāhate haiṃ| sūtra peṭī ke sadṛśa hotā hai jaise peṭī meṃ aneka vastroṃ kā samāveśa hotā hai, vaise hī sūtra meṃ aneka arthapadoṃ kā samāveśa hotā hai| laukika logoṃ kā abhimata nimnalikhita śloka se jñāta hotā hai
bṛhatkalpabhāṣyam
pūrva sūtraṃ tato vṛttirvṛtterapi ca sūtravārtikayormadhye tato bhāṣyaṃ
pahale sūtra hotā hai phira sūtra kī vṛtti hotī hai | vṛtti ke bāda vārtika hotā hai| sūtra aura vārtika ke madhya meṃ apekṣānusāra bhāṣya kā nirmāṇa kiyā jātā hai|

vārtikam | pravartate || *
śiṣya kā tarka yaha hai ki peṭī kā udāharaṇa sūtra ke saṃkṣipta hone ko pramāṇita nahīṃ karatā, kyoṃki peṭī bar̤ī hotī hai tabhī usameṃ adhika vastra samāte haiṃ| isase peṭāsthānīya sūtra meṃ bahuta arthapadoṃ kā samāveśa ghaṭita ho jātā hai| isa ādhāra para pahale sūtra aura bāda meṃ artha kī saṃgati baiṭhatī hai | "

śiṣya ke tarka ko nirasta karane ke lie bhāṣyakāra ne kahā- arhat artha kā kathana karate haiṃ | usī ko gaṇadhara sūtrarūpa meṃ grathita karate haiṃ| artha ke binā sūtra kaise ho sakatā hai? yadi hotā bhī hai to vaha asaṃbaddha hotā hai laukika śāstā bhī pahale artha dekhakara hī sūtra kī racanā karate haiṃ, kyoṃki artha ke binā sūtra kī niṣpatti hī saṃbhava nahīṃ hai|