Biha Kappa v1.p20

v1.p20

tṛtīye pariśiṣṭe yāsāṃ bhāṣyagāthānām ullekho viśeṣacūrṇī upalabhyate kintu vartamānabhāṣye tāḥ na upalabhyante tāsāṃ sūcirvartate|
caturthe pariśiṣṭe viśeṣacūrṇī upalabdhānāṃ viśeṣanāmnāṃ vibhāgaśaḥ sūcirvartate| pañcame pariśiṣṭe viśeṣacūrṇī upalabdhānām ekārthakaśabdānāṃ sūcirvartate| ṣaṣṭhe pariśiṣṭe viśeṣacūrṇī upalabdhānāṃ vyākhyānāṃ sūcirvartate| saptame pariśiṣṭe viśeṣacūrṇī upalabdhānāmavataraṇānāṃ sūcirvartate| aṣṭame pariśiṣṭe viśeṣacūrṇī upalabdhānāṃ deśyādināmnāṃ sūcirvartate| navame pariśiṣṭe viśeṣacūrṇau puraskṛtānāṃ dṛṣṭāntānāṃ sūcirvartate|
daśame pariśiṣṭe ācāryaśrīmalayagirisūrivṛttau yatra yatra viśecūrṇarullekha upalabhyate tasya sūcirvartate|
ekādaśe pariśiṣṭe sampādane'smin prayuktānāṃ saṅketānāṃ sūcirvartate|
dvādaśe pariśiṣṭe sampādane'smin prayuktānāṃ sandarbhagranthānāṃ sūcirvartate| kṛtajñatābhivyaktiḥ
__ prastāve'tra paramagurucaraṇānāṃ paramapūjyapādānāmācāryadevaśrīmadvijayarāmacandrasūrīśvarāṇām, pitṛgurudevānāṃ paramapūjyamunipravara-śrīsaṃvegarativijayānām, sarveṣāṃ vidyāgurūṇāmanantopakārān smaran baddhāñjalirāśiṣo yācate, bandhumunivarasya śrīpraśamarativijayasya paramapūjyasādhvīvaryāśrīharṣarekhāśrīśiṣyā-sādhvīśrījinaratnāśrī-sādhvīśrīmadhurahaṃsāśrīsādhvīśrī-dhanyahaṃsāśrīṇāṃ śrutabhavanasaṃśodhanakendravartināṃ kāryasampādakānāṃ ca nirantaraṃ nirapekṣaṃ ca sāhāyyaṃ samupadvhate'yaṃ janaḥ|
__ tadevaṃ viśeṣacūrṇiyathāmati sampādyātra prastutā viduṣāṃ bodhavṛddhyai bodhiśuddhyai ca sampadyantāmiti śubhamabhilaṣan sampādane'smin dṛśyamānāḥ chadmasthasulabhāḥ kṣatayo vidvāṃsaḥ sammāyanti nirdekṣyanti ceti nivedayam̐śca viramati paramaguruvarācāryavaryaśrīmadvijayarāmacandrasūrīśvarāṇāṃ vineyānyatamaḥ pitṛgurumunipravara-śrīsaṃvegarativijayānāmanujasya munipravaraśrī-praśamarativijayasya ca satīrthyaḥ
-vairāgyarativijayaḥ vaikramīye dvāsaptatyadhike dvisahasratame'bde kārtikaśuklaikādaśītithau śrutabhavane|