Biha Kappa v1.p283

v1.p283

[māsakappapagayaṃ kiṃ cānyat -
diṭuṃtoṃ guhāsīhe, donni ya mahilā payā ya apayā ya| gāvīṇa donni vaggā, sāvekkho ceva niravekkho ||2113|| sīhaṃ pālei guhā, avihāḍaṃ teṇa sā mahiḍḍīyā| tassa puṇa jovvaṇammi, paoaṇaṃ kiṃ giriguhāe ||2114||
"diṭuṃtoṃ guhāsīhe." ["sīhaṃ pālei0"] gāhā | jāva sīho khuḍḍalao tāva guhā pālei | eeṇa kāraṇeṇaṃ guhā mahiḍḍīyā | jahā sīho jovvaṇapatto bhavai tadā tassa na kiṃci kajjaṃ guhāe | evaṃ sīho guhāo mahiḍīo | ayamatthovanayo -
davvāvaimāīsuṃ, kusīlasaṃsaggiannautthīhiṃ | rakkhai gaṇīpurogo, gaccho avikoviyaṃ dhamme ||2115||
"davvāvai0" gāhā | kaṇṭhyā | "rakkhai gaṇī" pacchaddhaṃ | gacchassa gaṇī pāgaḍittaṇaṃ karei | so gaṇipurogo gacchai | taṃ avikoviyaṃ dhamme rakkhai | eyaṃ guhāvat gaccho mahiḍḍīo | kṛtakṛtyastu jiṇakappio mahiḍḍīo | imo mahilāe diṭuṃto-egassa do mahilāo koḍuṃbiyassa | egā sapayā | egā appayā | imā sapayā -
āṇāissariyasuhaṃ, egā aṇubhavai jai vi bahutattī | dehassa ya saṃṭhappaṃ, bhogasuhaṃ ceva kālammi ||2116|| "āṇāissariya0" gāhā | kaṇṭhyā | imā apayā -
paravāvāravimukkā, sarīrasakkāratapparā niccaṃ | maṃḍaṇae vakkhittā, bhattaṃ pi na ceyaī apayā ||2117|| "paravāvāravimukkā0" gāhā | kaṇṭhyā | imo atthovaṇayo - veyāvacce coyaṇavāraṇavāvāraṇāsu ya bahusu | emādīvakkhevā, sayayaṃ jhāṇaṃ na gacchammi ||2118||
"veyāvacce0" gāhā | kaṇṭhyā | evaṃ vibhāsā-egā parapālaṇayāe, egā bhoganimittaṃ | imo govaggadiṭuṃto -