Biha Kappa v1.p329
Kappacuṇṇi v1.p329
- Language
- Māhārāṣṭrī Prakrit
v1.p329
[cilimilipagayaṃ pottacilimiṇīe vāgacilimiṇīe vi etaṃ ceva pamāṇaṃ | unniyā kāyavvā | tassa asai khomiyā vi tassa asai vāgamaī vi |
idāṇiṃ gaṇaṇapamāṇaṃ -
asatoṇṇi khomirajjū, ekkapamāṇeṇa jā u veḍhei | kaḍahūvāgādīhiṃ, potta'sai bhae va vāgamaī ||2376|| deha'hio gaṇaṇekko, duvāraguttī bhaye va daṃḍamaī | saṃcārimā ya cauro, bhaya māṇe kaḍamasaṃcārī ||2377||
"asatoṇṇi" [“deha'hio0"] gāhā | ekkakassa sāhussa patteyaṃ patteyaṃ do cilimiṇīo | suttamaī kāyavvā, tassa asai rajjumatī vi | sā gaṇaṇapamāṇaṃ | savvagacchasseva ekkā pamāṇapamāṇeṇaṃ jāva gacchaṃ veḍhei | daṃḍacilimiṇī pamāṇapamāṇeṇa dehādhiyā, āyappamāṇāo abbhaiyatariyā | gaṇaṇappamāṇeṇaṃ ekkamekkassa sāhuṇo patteyaṃ patteyaṃ ekko [kaḍao], tehiṃ ḍaṃ(ka)ḍaehiṃ sāvayabhae duvārassa guttī kīrai, ṭhaijjai tti bhaṇiyaṃ hoi | ādimāo cattāri saṃcārimāo, kaḍao asaṃcārimo | asya pramāṇaṃ- gaṇaṇāe ya pamāṇeṇa ya sāgāriyaṃ raṃbhai, tappamāṇeṇa kīrai | asai tatpramāṇasya dugādiyā vi kaḍagā gheppaṃti | 'uvabhogo tu dupakkhe' tti | (gā0 2373) upabhujyata ityupabhogaḥ dupakkhasaṃjayāṇaṃ saṃjaīṇa ya | so imo upabhogo|
sāgāriya sajjhāe, pāṇadaya gilāṇa sāvayabhae vā |
addhāṇamaraṇavāsāsu ceva sā kappae gacche ||2378|| [ni0] "sāgāriyasajjhāe0" dāragāhā | sāgārie tti -
paḍilehobhayamaṃḍali, itthīsāgāriyaṭṭha sāgarie | ghāṇā''loga jjhāe, macchiya ḍolāipāṇesu ||2379||
"paḍileha0" gāhā | paḍilehaṇiyaṃ kareṃto cilimiṇaṃ kareṃtā potteṇa doreṇa ya, mā ukkosovahī dīsihi tti mā vā uḍuṃca kāhiṃti | 'ubhayamaṃḍalī' samuddesamaṃḍalīe sajjhāyamaṃḍalīe ya | itthisāgārie nāma ālogo bhavissai | sāgāriyaggahaṇaṃ sāgāriya pradarśanārtham | ettha cakkamatīe vi uvabhogo| sajjhāe eyāsiṃ ceva uvabhogo, jattha muttapurīsāīṇaṃ ghāṇī ei, eesiṃ vā āloo, vaccāu vā ruhireṇa diṇṇāo, ceḍarūvāṇi vā
Linked texts (1)
- Bihā Kappa — Bhadrabāhu, Ardhamāgadhī Prakrit