Biha Kappa v1.p368
Kappacuṇṇi v1.p368
- Language
- Māhārāṣṭrī Prakrit
v1.p368
|| paḍibaddhasejjāpagayaṃ || [suttaṃ] no kappai niggaṃthāṇaṃ paḍibaddhasejjāe vatthae ||1-30||
iti ohavibhāgeṇaṃ, sejjā sāgārikā samakkhāyā | taṃ ceva ya sāgariyaṃ, jassa adūre sa paḍibaddho ||2583|| nāmaṃ ṭhavaṇā davie, bhāvammi cauvviho u paḍibaddho |
davvammi paṭṭhivaṃso, bhāvammi u cauvviho bhedo ||2584|| [ni0]
["iti ohavibhāgeṇaṃ0"] sūtrābhisambadho gāhā siddha eva | “nāmaṃ ṭhavaṇā0" gāhā | tattha davvapaḍibaddho paṭṭhīvaṃso = dosu gharesu paḍibaddho | bhāvapaḍibaṃdho imo cauvviho -
pāsavaṇa ṭhāṇa rūve, sadde ceva ya havaṃti cattāri | davveṇa ya bhāveṇa ya, saṃjogo hoi caubhaṃgo ||2585|| cautthapadaṃ tu vidinnaṃ, davve lahugā ya dosa āṇādī | saṃsaddeṇa vibuddhe, ahikaraṇaṃ suttaparihāṇī ||2586||
"pāsavaṇa" ["cautthapadaṃ0"] gāhā | pāsavaṇapaḍibaddho, ṭhāṇapaḍibaddho, rūvapaḍibaddho, sahapaḍibaddho, davvao vi paḍibaddho, bhāvao vi paḍibaddho | davvao paḍibaddho no bhāvao| caubhaṃgo | cautthe kappati | tattha biiyabhaṃgo-davvao paḍibaddho na bhāvato | tattha jai ṭhaṃti caulahugā, āṇādivirāhaṇā duvihā-saṃjamātāe |
___'saṃsaddeṇa vibuddhe' tti āvassiyā āsajja nisīhiyaṃ kareṃtāṇaṃ saddo bhavai| tehiṃ vibuddhehiṃ gihatthehiṃ imaṃ ahikaraṇaṃ bhavati -
āu jjovaṇa vaṇie, agaṇi kuṭuṃbī kukamma kummarie | teṇe mālāgāre, ubbhāmaga paṃthie jaṃte ||2587||
“āu jjovaṇa." gāhā | aviraiyāo pabhātamiti maṇṇamāṇīo āukkāyassa gacchejja | āukkāe vā ee siṃciṃtu gacchejja | gāvio ghettuṃ baille vā joeuṃ aḍaviṃ dāruyāṇa gacchejjā | kacchapuḍayaṃ2 (?) vā gahāya vāṇiyao pabhāyamiti maṇṇamāṇo vaccejja | bhaṃḍiṃ vā joeuṃ gacchejja | aggikammiehiṃ vā ayāgarādīhi pabhāyamiti ahikaraṇāṇi palivejja |
1. bhāvao paḍibaddho no davvao 3| davvao vi na paḍibaddho bhāvao vi na paḍibaddho 4| 2. vaṇijo ghṛtakutupādikaṃ gṛhitvā grāmāntaraṃ vrajanti |
Linked texts (1)
- Bihā Kappa — Bhadrabāhu, Ardhamāgadhī Prakrit