Biha Kappa v1.p38

v1.p38

paṃcakalpa-mahābhāṣya ke praṇetā| ye donoṃ ācārya eka na hokara bhinna-bhinna haiṃ kyoṃki vasudevahiṃḍimadhyama khaṃḍa ke kartā ācārya dharmasenagaṇi mahattara ke kathanānusāra vasudevahiṃḍi- prathama khaṃḍa ke pra saṃghadāsagaṇi ‘vācaka’ pada se vibhūṣita the, jabaki bhāṣyapraṇetā saṃghadāsagaṇi 'kṣamāśramaṇa' padālaṃkṛta hai|' ācārya jinabhadra kā paricaya dete samaya hamane dekhā hai kī kevala padavī-bheda se vyakti-bheda kī kalpanā nahīṃ kī jā sakatī| eka hī vyakti vividha samaya meṃ vividha padaviyāṃ dhāraṇa kara sakatā hai| itanā hī nahīṃ, eka hī samaya meṃ eka vyakti ke lie vibhinna dṛṣṭiyoṃ se vibhinna padaviyoṃ kā prayoga kiyā jā sakatā hai| kabhī-kabhī to kucha padaviyām̐ paraspara paryāyavācī bhī bana jātī haiṃ| aisī daśā meṃ kevala ‘vācaka’ aura ‘kṣamāśramaṇa' padaviyoṃ ke ādhāra para yaha niścayapūrvaka nahīṃ kahā jā sakatā ki ina padaviyoṃ ko dhāraṇa karane vāle saṃghadāsagaṇi bhinna-bhinna vyakti the| muni śrī puṇya vijayajī ne bhāṣyakāra tathā vasudevahiṃḍikāra ācāryoṃ ko bhinna-bhinna siddha karane ke lie eka aura hetu diyā hai jo viśeṣa balavān hai| ācārya jinabhadra ne apane viśeṣaṇavatī graṃtha meṃ vasudevahiṃḍi-prathama khaṃḍa meṃ citrita ṛṣabhadevacarita kī saṃgrahaṇī gāthāem̐ banākara unakā apane graṃtha meṃ samāveśa bhī kiyā hai| isase yaha siddha hotā hai ki vasudevahiṃḍi-prathama khaṃḍa ke praṇetā saṃghadāsagaṇi ācārya jinabhadra ke pūrvavartī haiṃ|' saṃghadāsagaṇi bhī ācārya jinabhadra ke pūrvavartī hī hai|
bṛhatkalpa-laghubhāṣya
bṛhatkalpa-laghubhāṣya' ke praṇetā saṃghadāsagaṇi kṣamāśramaṇa hai| isameṃ bṛhatkalpasūtra ke padoṃ kā suvistṛta vivecana kiyā gayā hai| laghubhāṣya hote hue bhī isakī gāthā - saṃkhyā 6490 hai| yaha cha— uddeśoṃ meṃ vibhakta hai| inake atirikta bhāṣya ke prāraṃbha meṃ eka vistṛta pīṭhikā bhī hai jisakī gāthāsaṃkhyā 805 hai| isa bhāṣya meṃ prācīna bhārata kī kucha mahattvapūrṇa sāṃskṛtika sāmagrī bhī surakṣita hai| ḍaॉ. motīcaṃdra ne apanī pustaka sārthavāha (prācīna bhārata kī patha-paddhati) * meṃ isa bhāṣya kī kucha sāmagrī 'yātrī aura sārthavāha' kā paricaya dene kī dṛṣṭi se upayoga kiyā hai| isī prakāra anya dṛṣṭiyoṃ se bhī isa sāmagrī kā upayoga ho sakatā hai| bhāṣya ke āge diye jānevāle vistṛta paricaya se isa bāta kā patā laga sakegā ki isameṃ prācīna bhāratīya saṃskṛti ke itihāsa kī kitanī sāmagrī bharī paḍī hai|
pīṭhikā
viśeṣāvaśyaka bhāṣya kī hī bhām̐ti isa bhāṣya meṃ bhī prāraṃbhika gāthāoṃ meṃ maṃgalavāda kī carcā
1. niryukti-laghubhāṣya-vṛttyapeta bṛhatkalpasūtra ( ṣaṣṭha bhāga) prastāvanā, pṛ. 20 | 2. niryukti-laghubhāṣya-vṛttyapeta bṛhatkalpasūtra (ṣaṣṭha bhāga) prastāvanā, pṛ.20–21| 3. niryukti-laghubhāṣya-vṛttyupeta bṛhatkalpasūtra (6 bhāga) : saṃpādaka — muni caturavijaya evaṃ puṇyavijaya; prakāśaka-śrī jaina ātmānaṃda sabhā, bhāvanagara, san 1933, 1936, 1936, 1938, 1938, 1942 | 4. sārthavāha (prācīna bhārata kī patha-paddhati) : prakāśaka — bihāra- rāṣṭrabhāṣā pariṣad, paṭanā, san 1953 |