Biha Kappa v1.p401
Kappacuṇṇi v1.p401
- Language
- Māhārāṣṭrī Prakrit
v1.p401
[cārapagayaṃ gāhissāmi va nīe, saṇṇī vā bhikkhumāi vuggāhe | bahuguṇa apuvva deso, vaigāisu khīramādīṇi ||2754||
"āyariya0" ["apuvva0" "gāhissāmi0"] gāhā | jāmo āyariyā vaṃdāmo | sāhuṇo cetiyāṇi vīṇīyellagā vā daṭṭhavvā, sannī vā daṭṭhavvā | sannī vā tattha natthi teṇa chaḍḍei | desadarisaṇaṃ vā karei | ceiyāo vā maggai | eehiṃ kāraṇehiṃ chaḍḍei caulahuyā | 'maggaṇā pattha' tti | biiyapade aikkamejjā vi | chaḍtassa ime dosā -
addhāṇe uvvātā, bhikkhovahi sāṇa teṇa paḍiṇīe |
omāṇa abhojja ghare, thaṃḍila asatīi je jattha ||2755||
"addhāṇe uvvātā0" gāhā | te sāhuṇo vaccaṃtā addhāṇeṇa uvvāyā, pavisaṃtā jāṇaṃti | ettha ṭhāhiti | navari volīṇā tāhe āsāe chinnāe gāḍha'ṇagāḍhaṃ paritāvanipphaṇṇaṃ pāvaṃti | bhikkhaṃ dullahaṃ hojja | aggao vasahī vā ṇa labhejja | akāle ya teṇa sāṇa sāvaehiṃ hīrejja khajjejja vā, paḍiṇīo vā hojja koi, omāṇaṃ vā tattha hojja | abhojjagharesu vā geṇhejja ṭhāejja vā | thaṃḍillāsaie vā jā paritāvaṇā saṃjamavirāhaṇā vā |
biiyapae asivāī, uvahissa u kāraṇā va levo vā | bahuguṇataraṃ va gacche, āyariyāī va āgāḍhe ||2756||
“biiyapade asivāi0" gāhā | asiva-omāṇa-rāyaduṭṭhādīhiṃ kāraṇehiṃ parille sulabhataro uvahī, pāyoggataro ya levo vā, parille atthi bahuguṇataraṃ vā | ādillao parille khamagagilāṇabālavuḍḍādīṇaṃ pāuggaṃ labbhai | āyariyāṇa vā parille ādillāto pāuggassa bahuguṇataraṃ |
ādiggahaṇeṇaṃ parappavādī vā uṭṭhiya ugghosāvei | sunnā parappavādā, te ya niggahasamatthā, sammattaṃ vā ghettukāmo, kei āyariyāṇaṃ daṃsaṇaṃ kaṃkhaṃti | 'āgāḍhe' tti | āgāḍhajogavāhīṇa pāuggaṃ parille labbhai | āyariyāṇaṃ sannāyagā sannī vā te vippariṇāmejjaṃti |
eehim̐ kāraṇehiṃ, ekkadugaṃtara tigaṃtaraṃ vā vi | saṃkamamāṇo khettaṃ, puṭṭho vi jao na'ikkamai ||2757|| nikkāraṇagamaṇammi, je cciya ālaṃbaṇā u paḍikuṭṭhā | kajjammi saṃkamaṃto, tehiṃ ciya sujjhaī jayaṇā ||2758||
Linked texts (1)
- Bihā Kappa — Bhadrabāhu, Ardhamāgadhī Prakrit