Biha Kappa v1.p403

v1.p403

|| verajjaviruddharajjapagayaṃ ||
[suttaṃ ] no kappai niggaṃthāṇa vā niggaṃthīṇa vā verajjaviruddharajjaṃsi sajjaṃ gamaṇaṃ sajjaṃ āgamaṇaṃ sajjaṃ gamaṇāgamaṇaṃ karittae | jo khalu niggaṃtho vā niggaṃthī vā verajjaviruddharajjaṃsi sajjaṃ gamaṇaṃ sajjaṃ āgamaṇaṃ sajjaṃ gamaṇāgamaṇaṃ karei karitaṃ vā sāijjai, se duhao viikkamamāṇe āvajjai cāummāsiyaṃ parihāraṭṭhāṇaṃ aṇugghāiyaṃ ||1-37||
saṃbaṃdhe imaṃ
-
cāro ti aipasaṃgā, viruddharajje vi mā carijjāhi |
iya eso uvaghāo, verajjaviruddhasuttassa ||2759 ||
" cāro tti aipasaṃgā0' gāhā | kaṇṭhyā | uvagghāoṃ sambandha ityarthaḥ |
11
veraṃ jattha u rajje, veraṃ jāyaṃ va verarajjaṃ vā |
jaṃ ca virajjai rajjaṃ, rajjeṇaṃ vigayarāyaṃ vā ||2760 ||
sajjaggahaṇā tīyaṃ, aṇāgayaṃ ceva vāriyaṃ veraṃ |
pannavaga paḍucca gayaṃ, hojjā''gamaṇaṃ va ubhayaṃ vā ||2761||
"veraṃ jattha u0 " [" sajjaggahaṇā tīyaṃ 0 " ] gāhādvayam | yasmin rājye veramutpannaṃ,
jammi vā rajje sāṃprataṃ veramutpannaṃ, je vā rajjā khobhappiyā, jassa vā raṇṇo rajjaṃ virajjae | rajjeṇa vigayarāyaṃ vatti annarāyakamityarthaḥ | sajjagrahaṇāt atītaṃ ca aṇāgataṃ ca vāriaṃ bhavai | prajñavakaṃ pratītya yo yasmin vyavasthitaḥ gataḥ āgato vā ubhayaṃ vā | eṣa sūtrārthaḥ | niryuktivistaraḥ
nāmaṃ ṭhavaṇā davie, khette kāle ya bhāvavere ya |
taṃ mahisavasabhavagghā, sīhā naraesu sijjhaṇayā ||2762|| [ ni0 ]
"nāmaṃ ṭhavaṇā0 gāhā | davve veraṃ davvaveraṃ | jassa davve veraṃ uppajjai, khettaveraṃ jassa khettanimitteṇa veraṃ uppajjai, jammi vā khette veraṃ vannijjai | kāle- jammi kāle veraṃ uppajjai vaṇṇijjai vā | bhāve vere imaṃ udāharaṇaṃ - ekkāo gāmāo gāvīo corehiṃ akkhittāo | jo