Biha Kappa v1.p413
Kappacuṇṇi v1.p413
- Language
- Māhārāṣṭrī Prakrit
v1.p413
[avaggahapagayaṃ eyaddosavimukkaṃ, vatthaggahaṇaṃ tu hoi kāyavvaṃ | khamau tti dubbalo tti ya, dhammo tti ya hoti niddosaṃ ||2808|| āraṃbhaniyattāṇaṃ, akiṇaṃtāṇaṃ akāraviṃtāṇaṃ | dhammaṭṭhā dāyavvaṃ, gihīhi dhamme kayamaṇāṇaṃ ||2809|| saṃghāḍae paviṭe, rāyaṇie taha ya omarāyaṇie | jaṃ labbhai pāoggaṃ, rāyaṇie uggaho hoi ||2810|| "eyaddosavimukkaṃ0" ["āraṃbhaniyattāṇaṃ0" "saṃghāḍae0"] gāhādvayaṃ kaṇṭhyam | doccaṃ pi uggaho tti ya, kei gihatthesu doccamicchaṃti |
sāga ! guruṇo nayāmo, aṇicche paccāharissāmo ||2811||
"doccaṃ pi uggaho0" gāhā | doccaṃ pi uggaho aṇuṇṇaveyavvo tti sūtrābhihitaṃ | atra kei svacchandamatayo bruvanti-evaṃ gihatthesu bhavati, jo dei so vattavvo-sāvagā ! etaṃ amhe āyariyāṇaṃ ṇemo' | jai icchihiṃti ghettuṃ tāhe tubbhe doccaṃ uggahaṃ aṇuṇṇavehāmo, aha ṇecchihiṃti āyariyā ghettūṇa tubbhaṃ ceva āṇeuṃ paccappiṇīhāmo |
iharā pariḍhuvaṇiyā, tassa va paccappiṇaṃti ahigaraṇaṃ | gihigahaṇe ahigaraṇaṃ, so vā daṭṭaṇa vocchedaṃ ||2812||
"iharā paridvavaṇiyā0" gāhā | evaṃ jai na kajjai to āyarie ageṇhamāṇe pāriṭṭhāvaṇiyadoso | aha na parivijjai to tassa gihatthassa paccappiṇie ahikaraṇaṃ paribhogadhuvaṇādisu | {asaṃjayāṇaṃ pariṭṭhaviyaṃ jai gihattho giṇhai ahikaraṇaṃ | gihatthagahiyaṃ vā pariṭṭhaviyaṃ vā taddavvādivocchede vibhāsā | āyario āha -
coyaga ! gurupaḍisiddhe, tahiṃ pautthe dharita dinnaṃ tu | dharaṇujjhaṇe ahigaraṇaṃ, geṇhejja sayaṃ va paḍiṇīyaṃ ||2813||
"coyaga !0" gāhā | he coyaga ! evaṃ kajjamāṇe ta eva dosā je tvayā uktā| taṃ āyariyāṇaṃ āṇiyaṃ āyariyāṇaṃ na kajjaṃ hojja, so ya gihattho pavisio hojja | adiṇṇadāṇaṃ pasajjai paribhujjaṃte | aha dharei ṇa paribhuṃjai, airegovahī ahikaraṇaṃ | aha
1. dikka = ?