Pramāṇa · Search · About · API

Biha Kappa v1.p416

Kappacuṇṇi v1.p416

Language
Māhārāṣṭrī Prakrit

v1.p416

"asati samaṇāṇa0" gāhā | kaṇṭhyā | kāni sthānāni varjanīyāni ?
kāvālie ya bhikkhū, suivādī kuvvie a vesitthī | vāṇiyaga taruṇa saṃsaṭṭha mehuṇe bhoie ceva ||2822|| mātā piyā ya bhagiṇī, bhāuga saṃbaṃdhie ya taha sannī | bhāvitakulesu gahaṇaṃ, asaī paḍiloma jayaṇāe ||2823|| aṭṭhī vijjā kucchita, bhikkhu niruddhā u lajjae'ṇṇattha | eva dagasoya kucciga, suiga tti ya baṃbhacārittā ||2824|| annaṭhavaṇaṭṭha junnā, abhioge jāva rūviṇī gaṇiyā | bhoiga coriya dinnaṃ, daṭuṃ samaṇīsu uḍḍāho ||2825|| desiya vāṇiya lobhā, saiṃ dinnei u ciraṃ pi hohitti | taruṇubbhāmaga bhoyaga, saṃkā ātobhayasamutthā ||2826|| dāhāmo ṇaṃ kassai, niyamā so hohiī sahāo ṇe|| sannī vi saṃjayāṇaṃ, dāhii iti vippariṇāme ||2827|| maggaṃti theriyāo, laddhaṃ pi ya theriyāu geṇhaṃti | āgāra daṭṭha taruṇīṇa va deṃte taṃ na giṇhaṃti ||2828|| satta divase ṭhavittā, kappe kate theriyā paricchaṃti | suddhassa hoi dharaṇā, asuddha chettuṃ pariṭṭhavaṇā ||2829|| jaṃ puṇa paḍhamaṃ vatthaṃ, caukoṇā tassa hoṃti lābhāe | vitiricchaṃ'tā majjhe, ya garahiyā caugurū āṇā ||2830||
"kāvālie ya0" ["mātā piyā0" "aṭṭhī0" "annaṭhavaṇattha0" "desiya0" "dāhāmo0" "maggaṃti0" "satta divase0" "jaṃ puṇa0"] gāhā | te vijjāmaṃtajoehiṃ abhijoeṃti | duguṃchiyā ya bhikkhuyā| niruddhā vippariṇāmeṃti abhijoeṃti vā | suyī = parivvāyagā, kuccī= kuccaṃdharā, vesiyāo = junnāo taruṇīo maggaṃti vāṇiyayataruṇāṇaṃ, saṃsaṭṭao,
1. = vidagdha (pāsama 360)|

Linked texts (1)