Biha Kappa v1.p449

v1.p449

[vatthapagayaṃ aggao pesavijjati | to bhannaṃti-vayaṃ acchāmo uggate ghettuṃ ehāmo | tāhe tesu gaesu rattiṃ pi geṇhaṃti | āgaṃtuṃ bhaṇaṃti-uggae gahiyaṃ | aha saṃjaio vivittāo jahā labbhai tahā ceva gheppai| aha paḍisatthe vi ṇa labbhejja na vā disejja tāhe -
khaṃḍe patte taha dabbhacīvare taha ya hatthapihaṇaṃ tu | addhāṇavivittāṇaṃ, āgāḍhaṃ sesa'ṇāgāḍhaṃ ||2986||
"khaṃḍe0" gāhā | cammakhaṃḍā saṃjaīṇaṃ dijjaṃti, asaī sāgapattādīṇi dijjaṃti, dabbhā vā guhettā dijjati dabbhamayā cīvarā | asaī hatthehiṃ ucchae tti | evaṃ tāva gaṃtumujjāṇaṃ pattā, tattha vi saṃpacchanne ogāse saṃjaīo ṭhavijjaṃti |
asaīya niggayā khuḍḍagāi pesaṃti causu vaggesu |
appāhiti va'gāraṃ, sāhuṃ va viyāramāigayaṃ ||2987||
"asaīya0" gāhā | 'asaī' tti muṭṭhā ṇaggā ṇatthi, kiṃci vi laddhaṃ niggayā addhāṇāo aggujjāṇe ṭhiyā cellaga cillikaṃ vā peseti | ādiggahaṇeṇaṃ theragaṃ vā peseṃti taṃ nagaraṃ gāmaṃ vā | 'causu vaggesu' tti saṃjaesu saṃbhoīesu, asaṃbhoīesu, saṃjaīsu saṃbhoiyāsu asaṃbhoiyāsu ya | aha ṇatthi khuḍḍao khuḍḍiyā vā thero vā jāva jo nagarāo niggao viyārādisāha taṃ abhitarillāṇa appāheti | maṭṭā āgayāmo aggajjāṇe acchāmo| asaīe gihatthaṃ pi appāheti | ettha saṃjaehiṃ saṃjayāṇa dāyavvaṃ | saṃjaīhiṃ saṃjaīṇaṃ | ettha dāṇe ṇatthi jayaṇā | asati saṃbhoiyasaṃjayāṇaṃ saṃbhoiyasaṃjaīṇa ghettavvaṃ | ṇa annasaṃbhoiyāṇaṃ saṃjayāṇaṃ saṃjaīṇa vā | jattha puṇa saṃjaīhiṃ saṃjayāṇa dāyavvaṃ, saṃjaehiṃ vā saṃjaīṇaṃ tattha imā jayaṇā -
khuḍḍī therāṇa'ppe, ālogitarī ṭhavittu pavisaṃti | te vi ya ghettumaigayā, samaṇunajaḍhe jayaṃtevaṃ ||2988||
"khuḍḍī therāṇa'ppe0" gāhā | ṇavaraṃ pavisittā āvedito therassa pavessiyassa khuḍḍīyassa appei dei | aha khuḍḍiyā ṇatthi, tāhe akhuḍḍiyāo vi saṃjaīo therassa āloe ṭhavettā paḍissayaṃ pavisaṃti | evaṃ nagare pesaviesu aha natthi pesavio koi appāhiyaṃ souṃ khuḍḍiyāo ujjāṇaṃ ṇetā therayassa dāuṃ paḍiniyattaṃti | asaīe khuḍḍiyāṇaṃ, corabhayaṃ vā khuḍḍiyāṇaṃ tāhe mahaṃtīo vi gaṃtu therāṇaṃ gaṃtuṃ āloe ṭhavettā niyattaṃti | jattha saṃjaehiṃ saṃjaīṇaṃ dāyavvaṃ tattha khuḍḍao theriyāṇa appei, taheva dāyavvaṃ jahā saṃjaīhi dinnaṃ | te vi ya ghettumaigaya' tti | te iti saṃjayā saṃjaīhiṃ dinnāī pāuṇittā atigayā, nagaraṃ paviṭṭhā saṃtā appaṇā uvagaraṇaṃ uppāettā saṃjatīṇaṃ jaṃ gahiyaṃ taṃ paḍiallīveṃti | eyaṃ samaṇunnesu bhaṇiyaṃ | 'samaṇannajaḍhe jayaṃtevaṃ' ti jattha