Biha Kappa v1.p45

v1.p45

pārasparika kalahoṃ ko nipaṭāne kā kārya karanā par̤e usase laganevāle doṣa, rathayātrā ke mele meṃ sādhuoṃ ko jāne ke viśeṣa kāraṇa—caityapūjā, rājā aura śrāvaka kā viśeṣa nimaṃtraṇa, vādī kī parājaya, tapa aura dharma kā māhātmya-vardhana, dharmakathā aura vyākhyāna, śaṃkita athavā vismṛta sūtrārtha kā spaṣṭīkaraṇa, gaccha ke ādhārabhūta, yogya śiṣya ādi kī talāśa, tīrthaprabhāvanā, ācārya, upādhyāya, rājyopadrava ādi saṃbaṃdhī samācāra kī prāpti, kula-gaṇa-saṃgha ādi kā kārya, dharmarakṣā tathā isī prakāra ke anya mahattva ke kāraṇa rathayātrā ke mele meṃ rakhane yogya yatanāem̐, caityapūjā, rājā ādi kī prārthanā ādi kāraṇoṃ se rathayātrā ke mele meṃ jānevāle sādhuoṃ ko upāśraya ādi kī pratilekhanā kisa prakāra karanī cāhie, bhikṣācaryā kisa prakāra karanī cāhie, strī, nāṭaka ādi ke darśana kā prasaṃga upasthita hone para kisa prakāra kā vyavahāra karanā cāhie, maṃdira meṃ jāle, nīḍa ādi hone para kisa prakāra yatanā rakhanī cāhie, kṣullaka śiṣya bhraṣṭa na hone pāem̐ tathā pārśvastha sādhuoṃ ke vivāda kisa prakāra nipaṭa jāem̐ ityādi| puraḥkarmadvāra—pura:karma kā artha hai bhikṣādāna ke pūrva śītala jala se dātā dvārā svahasta ādi kā prakṣālana| isa dvāra kī carcā karate samaya nimna dṛṣṭiyoṃ se vicāra kiyā gayā hai— puraḥkarma kyā hai, puraḥkarma doṣa kise lagatā hai, kaba lagatā hai, pura:karma kisalie kiyā jātā hai, puraḥkarma
aura udakārdradoṣa meṃ aṃtara ( udakāī aura puraḥkarma meṃ apkāya kā samāraṃbha tulya hote hue bhī udakā sūkha jāne para to bhikṣā ādi kā grahaṇa hotā hai kiṃtu puraḥkarma ke sūkha jāne para bhī grahaṇa kā niṣedha hai), puraḥkarmasaṃbaṃdhī prāyaścitta, puraḥkarmaviṣayaka avidhiniṣedha aura vidhiniṣedha, sāta prakāra ke avidhiniṣedha, āṭha prakāra ke vidhiniṣedha, puraḥkarmaviṣayaka brahmahatyā kā dṛṣṭāṃta| glānadvāra—glāna rugṇa sādhu ke samācāra milate hī usakā patā lagāne ke lie jānā cāhie, vahām̐ usakī sevā karane vālā koī hai ki nahīṃ— isakī jām̐ca karanī cāhie, jām̐ca na karane vāle ke lie prāyaścitta, glāna sādhu kī śraddhā se sevā karane vāle ke lie sevā ke prakāra, glāna sādhu kī sevā ke lie kisī kī vinatī yā ājñā kī apekṣā rakhane vāle ke lie prāyaścitta
aura tadviṣayaka maharddhika rājā kā udāharaṇa, glāna kī sevā karane meṃ aśakti kā pradarśana karane vāle ko śikṣā, glāna sādhu kī sevā ke lie jāne meṃ duḥkha kā anubhava karane vāle ke lie prāyaścitta, udgama ādi doṣoṃ kā bahānā karane vāle ke lie prāyaścitta, glāna sādhu kī sevā ke bahāne se gṛhasthoṃ ke yahām̐ se utkṛṣṭa padārtha, vastra, pātra ādi lāne vāle tathā kṣetrātikrāṃta, kālātikrāṃta ādi doṣoṃ kā sevana karane vāle lobhī sādhu ko lagane vāle doṣa aura unakā prāyaścitta, glāna sādhu ke lie pathyāpathya kisa prakāra lānā cāhie, kahām̐ se lānā cāhie,