Biha Kappa v1.p475

v1.p475

[addhāṇapagayaṃ uṃbara koṃṭṭibesu va, devaule vā ṇivedaṇaṃ raṇṇo | katakaraṇe karaṇaṃ vā, asatī naṃdī duvihadavve ||3131||
"uṃbara0" gāhā | kaṇṭhyā | 'koṭuiṃbesu va' tti | jahiṃ gohatthaṃ dijjai jāva uvasāmijjai tāva esā jayaṇā | aha na tīrati uvasāmiuṃ tāhe saṃjao jo kayakaraṇo so karaṇaṃ karei | jāhe ṇa sakkā natthi vā tāhe 'naṃdī duvihadavve' |
taie vi hoti jataṇā, vatthe pāde alabbhamāṇammi | ucchuddha vippaiṇṇe, esaṇamādīsu jatitavvaṃ ||3132||
"tatie vi0" gāhā | tatie jayaṇā vatthe pāde alabbhaṃte jattha paḍisevaṃti tattha puvvagahieṇaṃ acchaṃti jāva uvasamai | aha ṇa hojja tāhe purāṇādīhiṃ jaiyavvaṃ | ucchuḍḍavippaiṇṇāṇi vā geṇhaṃti jayaṇāe |
hiyasesiyassare asatī, taṇa agaṇī sikkagā va vāgā vā |
pehuṇacammaggahaṇaṃ, bhattaṃ tu palāsa pāṇisu vā ||3133||
"hiyasesagāṇa asatī0" gāhā | taṇāṇi vā geṇhejja, agaṇiṃ vā sevejjā, sikkaehi vā pātre hiṃḍāvejjā, vakkamayā vā pāuraṇā geṇhejja, moriṃgamayā vā, jahā vāḍiyāṇaṃ pāuraṇāṇi | palāsapattesu bhattaṃ giṇhejja, pāṇisu vā geṇhejja |
asaī ya liṃgakaraṇaṃ, paṇṇavaṇaṭṭhā sayaṃ va gahaṇaṭṭhā |
āgār̤he kāraṇammi, jaheva haṃsādiṇaṃ gahaṇaṃ ||3134|| "asaī ya liṃgakaraṇaṃ0" gāhā | kaṇṭhyā | duvihammi bheravammi, vijja ṇimitte ya cuṇṇa devī ya | seṭṭhimmi amaccammi ya, esaṇamādīsu jatitavvaṃ ||3135||
"duvihammi0" gāhā | jīviyāo carittāo vā jo bhaṃsei tattha vijjādīhiṃ vasīkareṃti | so ya aṇusaṭṭhādīhiṃ paṇṇavijjati | vijjānimittacuṇṇādīhiṃ vā 'devi ya' tti jā tassa mahādevī iṭṭhā sā vijjādīhiṃ āuṭṭāvijjai, khaṃtiyā khaṃtio vā, se jai tehiṃ bhaṇaṃto ṭhio suṃdaraṃ, aha na ṭṭhāi "seṭṭimmi0" pacchaddhaṃ | jāva pasāijjai tāva seṭṭhi-amaccāṇaṃ uvaggaheṇaṃ accaṃti| esaṇādīsa jayaṃtā pāsaṃḍagaṇaṃ vā uvaṭṭāyati | tāhe te uvasāmeṃti aṇusāsaṇādīhiṃ|
1. gobhattaṃ iti bhāvyam ? 2. hiyayesagāṇa muca |