Biha Kappa v1.p90

v1.p90

"āhārauvahi0" gāhā | pāuggo nāma jattha uppajjai | ahavā jo kappio| ahavā jo saṃviggabhāvio | sesaṃ uccāriyasiddhaṃ | gāma tti gayaṃ |
emeva ya nagarādī, neyavvā hoṃti āṇupuvvīe| jaṃ jaṃ jujjai jattha u, joeavvaṃ tagaṃ tattha ||1120|| "emeva ya nagarādī0" gāhā | kaṇṭhyā | iyāṇi parikkhevaṃ bhaṇai | tattha gāhā - nāmaṃ ṭhavaṇā davie, khitte kāle taheva bhāve ya |
eso u parikkheve, nikkhevo chavviho hoi ||1121|| "nāma ṭhavaṇā0" | nāma-ṭhavaṇāo gayāo | davvaparikkheve imā gāhā -
saccittādī davve, saccitto dupayamāyago tiviho | mīso desaciyādī, accitto hoimo tattha ||1122||
"saccittādī0" gāhā | saccittāī davve | so parikkhevo tiviho-saccitto, accitto. misso | saccitto tiviho-dapaehiṃ. cauppaehiṃ. apaehiṃ | dapaehi maṇaehiṃ. cauppaehiṃ āsa-hatthimāīhiṃ, apaehiṃ rukkhehiṃ | mīsao tasseva dese upayie tasseva dese avacie' | akimuktaṃ bhavati ? annettha matayā aṇṇe jīvaṃti | accitto
pāsāṇiṭṭaga-maṭṭiya-khoḍa-kaḍaga-kaṃṭigā bhave davve | khāiya-sara-nai-gaḍḍā-pavvaya-duggāṇi khettammi ||1123||
"pāsāṇiṭṭaga0" gāhā | kaṇṭhyā | navaraṃ khoḍo khaḍḍe | kaḍayā = kaṃḍiyā| esa davvaparikkhevo | khettaparikkheve imā pacchaddhagāhā | kaṇṭhyā | kālaparikkhevo -
vāsāratte aipāṇiyaṃ ti gimhe apāṇiyaṃ naccā |
kāleṇa parikkhittaṃ, teṇa tamanne pariharaṃti ||1124||
"vāsāratte0" gāhā | aha pāṇieṇaṃ ṇa sakkei roheḍaṃ| apāṇieṇa vi uṇhakālie na sakkae roheḍaṃ| asmāt kāraṇāt aṇṇarāyāṇo taṃ pariharaṃti | iyāṇi bhāvaparikkhevo | tattha
gāhā -
naccā naravaiṇo sattasārabuddhīparakkamavisese | bhāveṇa parikkhittaṃ, teṇa tamanne pariharaṃti ||1125||
1. uvacie iti bhāvyam | upacitaḥ = sacetanaḥ malavṛ |