Biha Kappa v2.p100

v2.p100

"kuṭuṃtaritassasatī0" gādhā | kaṇṭhyā |
annāe ābhogaṃ, nāem̐ sasadaṃ kareṃti sajjhāyaṃ | accuvvāyā va suve, acchaṃti va annahiṃ divasaṃ ||3751||
"annāe0" gādhā | jaī ṇa keṇai nāyā - saṃjatīṇaṃ ekkapaḍissae ṭhita tti | tā se tusiṇītā acchaṃti ṇa sajjhāyaṃ kareṃti | adha ṇātā tādhe vejjapāḍheṇa pariyaṭṭeti | jati taraṃti savvaṃ rattiṃ parihayaṭeṃti ṇa suvaṃti | adha uvvāyā to suvaṃti divasato ya aṇṇattha rukkhamūlādīsu acchaṃti |
samaṇī samaṇa paviṭe, nisaṃta ullāva'kāraṇe gurugā | payalā nidda tuvaṭṭe, acchīmalaṇe gihī mūlaṃ ||3752||
"samaṇī0" gādhā| saṃjatīṇaṃ uvassae ṭhitesu jai keṇati ṇa diṭṭhā ullāvaṃ kareṃti | adha kareṃti :: |4 (caturguru) adha diṭṭhā to ullāvaṃ kareṃtu vā mā vā | evaṃ rattiṃ vasittāṇa, tādhe pae vaccaṃti | jādhe na taraṃti gaṃtuṃ tāhe divasao annattha rukkhamūlādīsu acchaṃti | adha divasato vi na hojjā annattha ṭhāṇaṃ tattha acchamāṇā jati ṇiddāṃti vā payalaṃti vā to tecceva dosā|
uccāraṃ pāsavaṇaṃ, va annahiṃ mattaesu va jataṃti |
addiṣṭuṃ paviṭṭhā vā, adiṭṭha ṇitedharā bhayitā ||3753||
"uccāraṃ0" gāhā | uccāraṃ pāsavaṇaṃ annattha vosiraṃti saṃjatīṇaṃ uccārapāsavaṇabhūmīe| adhavā mattaesu jataṃti |
tattha'nnattha va divasaṃ, acchaṃtā pariharaṃti niddāī |
jatanāe va suviṃtī, ubhayaṃ pi ya maggae vasahiṃ ||3754||
"tattha'nnattha va0" gādhā | 'jayaṇāe suvaṃti' tti pacchaṇṇā suvaṃti | 'ubhayaṃ pi ya maggate vasadhiṃ' ti saṃjatāsaṃjatīo vi vasadhiṃ maggaṃti | pāhuṇa tti gayaṃ | idāṇiṃ gaṇadhare tti dāraṃ | gaṇadhareṇa avassagaṃtavvaṃ ajjiyāṇa vasadhiṃ | kiṃ kāraṇaṃ ?
sejjāyarāṇa dhamma, kahati ajjāṇa deṃti aṇusaddhiṃ | kahiyammi ya dhammammi, savve saṃvegamāvannā || (ni0bhā0 1726) daḍhasohiyao sejjāyaro vi ajjāṇa saṃgahaṃ kuṇati | to teṇa ajjiyāo, thirasaṃjama daṃsaṇā hoṃti ||