Biha Kappa v2.p103

v2.p103

visesa
[ niggaṃthī uvassayapavesapagayaṃ ālippati appagāse ogāse vireyaṇaṃ dāuṃ saṃthārae ṭhavettā amaṇuṇṇāe khuttha' (?) mailasaṃghāḍīe ohāḍijjati | pāṇaeṇa parisego dijjati | saṃjatīo kāuti caṃdaṇaṃ ghaseṃti, kāui osahāṇi pīsaṃti palevaṭṭhāe, kāui osahāṇi maggaṃti saṃjoeṃti ya addhitiṃ ca kareṃti | je tattha kharakammiyādī eṃti te bhaṇṇaṃti-mā bolaṃ kareha, esā ajjā gilāṇiyā saddaṃ na sahati saddeṇa se aratī bhavati | pacchāyaṇā ya sehassa tti gayaṃ |
idāṇiṃ asahussa caukkabhayaṇa tti dāraṃ
donni va sahū bhavaṃtī, so va'sahū sā va hojja ū asahū | dohaṃ pi u asahūṇaṃ, tigiccha jayaṇāya kāyavvā || 3768||
“donni vi sahū0 " gāhā | saṃjao vi sahū saṃjatī vi sahū, saṃjato sahū saṃjatī asahū| saṃjato asahū saṃjatī sahū, saṃjato vi asahū [saṃjatī vi asahū] 4| tattha paḍhamabhaṃge timicchājayaṇā bhaṇṇati
ṇāūṇa ū gilāṇaṃ, paṃthe gāme va bhikkhavelāe | jai turiyaṃ nāgacchai, laggai gurue caummāse || 3769 ||
gāhā |
“ṇāuṇa ya0
11
lolaṃtī chgamutte, souṃ ghettuṃ davaṃ tu āgacche |
tūraṃto taṃ vasahiṃ, ṇiveyaṇaṃ chāyaṇa'jjāe || 3770||
“lolaṃtī0” gāhā | paṇayaṃ ghettūṇa turitaṃ āgacchati saṃjatiuvassayasamīvaṃ | sejjātariṃ saddāvettā bhaṇati—nivedehiṃ ajjāe sāhū āgato | jati duṇṇiyatthā ajjā sejjātarī cchāyāvijjati, aṇicchaṃtīe appaṇā vi jayaṇāe chādeti | 'chādaṇa'jjāe 'tti avāuḍā ityarthaḥ |
āsāso vīsāso, mā bhāhi iti thirīkaraṇa tīse |
dhuviuṃ cīratthuraṇaṃ, tīse'ppaṇa bāhi kappo ya ||3771||
"āsāso0 " gāhā | āsāseti - dhīrā bhavāhi, ahaṃ te tigicchaṃ karemi | ahaṃ te bhāyā pittijjādi, vibhāsā | evaṃ bhaṇati - vīsatthā hohi, jati atthi se aṇṇāṇi cīvarāṇi tāṇi atthuṇati ṇiyaṃseti ya se | asati tassaccayāṇaṃ appaṇijjagāṇi deti | tāhe jāṇi levāḍitāṇi cīrāṇi tāṇi bāhiṃ uvassayassa dhovittā uvalevaṇaṃ deti |
1. malināṃ trūṭitāṃ ca kusaṅghāṭīṃ sa prāvaraṇaṃ kriyate | malavṛ | 2. dovi a ba ka ḍa i | 3. soūṇa muca |