Biha Kappa v2.p105

v2.p105

visesacuṇṇi [niggaṃthī uvassayapavesapagayaṃ davvaṃ tu jāṇiyavvaṃ, samādhikāraṃ tu jassa jaṃ hoti | ṇāyammi ya davvammi, gavesaṇā tassa kāyavvā ||3779||
"davvaṃ tu jāṇiyavvaṃ0" gādhā | sā pucchitavvā-keṇa te samāhī ? jaṃ sā bhaṇati taṃ āṇeyavvaṃ suddhaṃ maggittā, asati paṇagaparihāṇīe | idāṇiṃ pacchaddhassa vakkhāṇaṃ | "saddhāvaṇā0" pacchaddhaṃ | tadhā se saddhā vaḍḍijjati jahā bhattapaccakkhāṇābhimuhī bhavati | bhatte paccakkhāte paḍiyarijjati | ṇamokkāro ya se dijjati |
jā ṇa hoti kiriyātītā tīe
sayameva diṭṭhapāḍhī, kareti pucchati ajāṇao vejjaṃ | dīvaṇa davvādimmi ya, uvadese ṭhāti jā laṃbho ||3780|| "sayameva diṭṭhapāḍhī0" gāhā | kaṇṭhyā | ratti teṇa kahiṃ vasiyavvaṃ ?
abbhāse va vasejjā, saṃbaddha uvassagassa vā dāre | āgāḍhe gelaṇṇe, uvassae cilimiṇivibhatte ||3781||
"abbhāse va0" gāhā | abbhāse annammi uvassae asaī egasaṃbaddhe, asati dāramūle | “oṇevvīe" pacchaddhaṃ kaṇṭhyam | taṃ puṇa imesi aṭṭhāe imeṇa vā kāraṇeṇa tatraiva vasati |
uvvattaṇa pariyattaṇa, ubhayavigiṃcaṭṭha pāṇagaṭṭhā vā | takkara bhaya bhīrū adha, ṇamokāraṭṭhā vase tattha ||3782|| "uvvattaṇa0" gāhā | kaṇṭhyā | 'ubhayaṃ'ti uccārapāsavaṇaṃ | dhii balajutto vi muṇī, sejjātara-saṇṇi sijjhagādijuto | vasati parapaccayaṭṭhā, salāhaṇaṭṭhā ya avarāṇaṃ ||3783|| so nijjarāem̐ vaṭṭati, kuṇati ya āṇaṃ aṇaṃtaṇāṇīṇaṃ | sa bitijjao kahetī, pariyaṭṭegāgi vasamāṇo ||3784||
"dhiti bala0"["so nijjarāe0"] gādhā | jati vi dhii balio so sāhū sahā ityarthaḥ | tahā vi sejjāyarasahāyo vasati | sejjātaraṃ bhaṇati-mama ṇa vaṭṭati egāṇiyassa saṃjati
1. āgāḍhe gelaṇṇe muca |