Biha Kappa v2.p114

v2.p114

523 jaha kāraṇe nillomaṃ, tu kappatī taha bhavejja iyaraṃ pi | agāḍhi salomaṃ ādikāu jā potthae gahaṇaṃ ||3841|| bhattapariṇṇa gilāṇe, kusamāi kharā'satī tu jhusirā vi | appaḍilehiyadūsāsatī ya pacchā taṇā hotī ||3842|| duppaḍilehiyadūse, addhāṇādī vivitta geṇhaṃti | gheppati potthagapaṇagaṃ, kāliyanijjuttikosaṭṭā ||3843||
"jaha kāraṇe0" [bhattapariṇa0" "duppaḍilehiya0"] gāhā | jaha kāraṇe nillomaṃ ruppati tahā 'iyaraṃ pi' tti jhusiraṃ pi, āgāḍhakāraṇe salomaṃ ādi kāūṇaṃ pacchāṇupuvvīe jāva 'potthaga' tti bhattapaccakkhāyassa apaḍilehiyadūsāsatīe ajhusira jhusirā vi taṇā pattharijjaṃti | sesaṃ kaṇṭhyam |
[suttaṃ] no kappai niggaṃthāṇa vā niggaṃthīṇa vā kasiṇāiṃ cammāiṃ dhārittae vā pariharittae vā ||3-5||
sambandhaḥcammaṃ caivāhikayaṃ, tassa pamāṇamiha missie sutte | apamāṇaṃ paḍisijjhati, ṇa u gahaṇaṃ esa saṃbaṃdho ||3844|| ahavā acchuraṇaṭṭhā, taṃ vuttamidaṃ tu pādarakkhaṭṭhā | tassa vi ya vaṇṇamādī, paḍisehetī ihaṃ sutte ||3845||
"cammaṃ ceva0"["ahavā0"] gāhādvayam | 'vaṇṇamāī' tti baṃdhaṇa kasiṇādī | amā-no-nā pratiṣedhe | kiṃ pratiṣedhayati ? kasiṇāiṃ cammāiṃ dhārittae vā pariharittae vā | kasiṇaṃ ṇāma sakalaṃ pratipūrṇamityarthaḥ | ettha gāhā -
sakalappamāṇa vaṇṇe, baṃdhaṇakasiṇe ya hoi ṇāyavve |
akasiṇamaṭṭhārasagaṃ, dosu vi pāsesu khaṃḍāiṃ ||3846|| [ni0]
"sakalappamāṇa0" gāhā | kasiṇaṃ cauvvihaṃ | sakalakasiṇaṃ, pramāṇakasiṇaṃ, vaṇṇakasiṇaṃ, baṃdhaṇakasiṇamiti | etesiṃ vibhāsāgāhā
egapuḍa sakalakasiṇaṃ, dupuḍādīyaṃ pamāṇato kasiṇaṃ | khallaga khausā vagguri, kosaga jaṃgha'ddhajaṃghā ya ||3847||