Biha Kappa v2.p135

v2.p135

[bhiṇṇābhiṇṇavatthapagayaṃ rayattāṇaṃ pattābaṃdho rayaharaṇaṃ ca majjhimo | tinni kappā paḍiggahao ya | esa cauvviho ukkoso| evaṃ gacchavāsīṇa vi | ṇavaraṃ tesiṃ majjhimo chavviho - paḍalāiṃ, rayattāṇaṃ, pattābaṃdho, rayaharaṇaṃ, mattao, colapaṭṭo ya tti | gaṇaṇapamāṇaṃ gataṃ |
idāṇi pamāṇappamāṇaṃ' -
cattāri ya ukkosā, majjhimaga jahannagā vi cattāri |
kappāṇaṃ tu pamāṇaṃ, saṃḍāso do ya rayaṇīo ||3966||
["cattāri ya0"] tattha gacchaniggayāṇaṃ pamāṇappamāṇaṃ imaṃ - kappāṇaṃ tu pamāṇaṃ saṃḍāso do ya rayaṇīo | do ya rayaṇio tti | kappāo rayaṇīo dīhattaṇeṇaṃ divaḍḍarayaṇi vitthiṇṇā |
anno vi ya āeso, saṃḍāso sathie ṇuvvanne ya | jaṃ khaṃḍiyaṃ daḍhaṃ taṃ, chammāse dubbalaṃ iyaraṃ ||3967||
"anno vi ya āeso0" gāhā | saṃḍāsago ṇāma jo ukkuḍuyassa ṇiveṭṭhassa jaṇṇue ṭhaeti | sotthio ṇāma do vi koṇe vatthassa hatthehiṃ ghettūṇaṃ do vi bāhu sīse pāvai, dāhiṇeṇa vāmabāhu sīsaṃ vāmeṇa dāhiṇabāhu sīsaṃ | evaṃ dīhattaṇeṇa pehulleṇa puvvabhaṇitaṃ eso sotthiyo tti bhaṇṇati | ādeso ṇāma prakāra: | jāhe saṃḍāsaeṇa ṇa saṃtharati tāhe sotthiyaṃ | kiṃ kāraṇaṃ ? ucyate -
saṃḍāsachiḍḍeṇa himādi eti, guttā va'guttā vi ya tassa sejjā | hatthehi so sosthikaḍehi ghettuṃ, vatthassa koṇe suvaī va jhātī ||3968||
"saṃḍāsachiḍḍeṇa0" vṛttaṃ | tassa vasahī guttā vā hojja aguttā vā ete kāraṇeṇa kappāre imaṃ pamāṇaṃ mā saṃḍāsagachiḍḍeṇa himaṃ vāto vā ehiti | teṇa kāraṇeṇa do vi koṇā ghettūṇa jahā bāhū sīsāṇi pāveti eyaṃ pamāṇaṃ kareti | so puṇa ukkuḍuto rattiṃ acchati jaggaṃto | kei bhaṇaṃtiukkuḍuo ceva niddāio suvati īsiti mettaṃ | so puṇa kerisaṃ vatthaṃ geṇhati ? ata ucyate - jaṃ khiḍitaṃ daḍhaṃtaṃ chammāse dubbalaṃ, 'iyaraṃ' ti ekkāto pāsāto chinnaṃ samāṇaṃ jaṃ chaṇhaṃ māsāṇaṃ ārato ṇa dharati erisaṃ ṇa geṇhati | eyaṃ gacchaṇiggayāṇaṃ pamāṇappamāṇaṃ gataṃ |
idāṇiṃ gacchavāsīṇaṃ pamāṇapamāṇaṃ bhaṇṇatikappā āyapamāṇā, aḍḍāijjā u vitthaḍā hatthā | eyaṃ majjhimamāṇaṃ, ukkosaṃ hotaṃ cattāri ||3969|| 1. pamāṇakappamāṇaṃ - a i | 2. etena kāraṇeṇa kappāṇaṃ iti bhāvyam ?