Biha Kappa v2.p138

v2.p138

547 "uṇṇiyaṃ0" ["saṃthāruttarapaṭṭā0" "duguṇo0" "cauraṃgulaṃ" "gocchaga0"] gāhā | kaṇṭhyā | eyaṃ majjhimovagaraṇaṃ | jahaṇṇayaṃ imaṃ - muhapottiya paḍilehaṇiyāe pāyaṭhavaṇassa gocchagassa ya ppamāṇaṃ vihatthī cauraṃgulaṃ | bitio ādeso muhappamāṇeṇa muhapottiyā kāyavvā |
jo vi tivattha duvattho, egeṇa acelago va saṃtharai | na hu te khisaṃti paraṃ, savveṇa vi tiṇṇi ghettavvā ||3984||
"jo vi tivattha0" gāhā | jo acelago saṃtharati so acelago acchati | jo ekkeṇaṃ saṃtharati so ekkaṃ pāuṇati, jo dohi viṇā ṇa saṃtharati so doṇṇi, jo tihi viṇā ṇa saṃtharati so tiṇṇi pāuṇati | abhiggaho vā esa, na ya acelaeṇaṃ egavattheṇa vā duvattheṇa vā ahiyatara vattho[va]hīletavvo | kiṃ kāraṇaṃ ? jamhā jiṇāṇa [āṇā] esa savveṇa vi tinni ghettavvā | jo vi acelago saṃtharati teṇa tiṇṇi vatthāṇi ghettavvāṇi | pamāṇappamāṇa vatthāṇa gayaṃ |
idāṇi atirega hīṇa tti do vi egaṭṭhā vakkhāṇeti |
appā asaṃtharaṃto, nivārio hoti tīhi vatthehiṃ | giṇhati gurūvidiṇṇe, pagāsapaḍilehaṇe satta ||3985||
"appā asaṃtharaṃto0" gāhā | kahaṃ nivārite imāe jayaṇāe ? usaggeṇaṃ ṇa ceva pāuritavvaṃ | jāhe ṇa saṃtharejja tāhe ekaṃ pāurati | jāhe teṇa vi ṇa saṃtharejja tāhe tatiyaṃ pi geṇhati | jati ṇāma taha vi na saṃtharejjā tāhe tinni vichaḍḍeūṇa bāhiṃ paḍimāe ṭhāi | tāva acchai jāva sīe ṇīsaṭuṃ drāvito | pacchā tammi ceva ṇivesati evaṃ pi jati ṇa saṃtharati tāhe ekkaṃ kappaṃ geṇhejjā | jāhe teṇa vi ṇa saṃtharati tāhe bitiyaṃ, tatto tatiyaṃ, tattha se aīva sāyaṃ bhavati | taṃ ciṃtemāṇassa sītaṃ | evaṃ appā tihiṃ ceva ṇivāreyavvo |
tinni kasiṇe jahaṇṇe, paṃca ya daḍhadabbalāiṃ geṇhejjā |
satta ya parijuṇṇāiṃ, eyaṃ ukkosagaṃ gahaṇaṃ ||3986||
"tiṇṇi kasiṇe." gāhā | jehi sūro ṇa dīsati tārisāṇi tiṇṇi geṇhejjā | jāṇi majjhimāṇi tāṇi paṃca, daḍḍhadubbalāṇi | jahā tesu vi samāhatesu sūro ṇa dīsati | eyaṃ ukkosayaṃ gahaṇaṃ |
bhiṇṇaṃ gaṇaṇājuttaṃ, pamāṇa iṃgāladhūmaparisuddhaṃ | uvahiṃ dhāraऍ bhikkhū, jo gaṇaciṃtaṃ na ciṃtei ||3987||
1. devattheṇa vā - nāsti a i | 2. asaī - a ba ḍa i |