Biha Kappa v2.p149

v2.p149

[bhiṇṇābhiṇṇavatthapagayaṃ
vyākhyā
thūlasuhumesu vuttaṃ, pacchittaṃ tesu ceva bhario vi | jaṃ kappati tti bhaṇiyaṃ, ṇa jujjaī puvvamavareṇa ||4050||
"thūlasuhamesu0" gāhā | codago bhaṇati-suhumesu thūlesu ya pacchittaṃ bhaṇiyaṃ | pacchā bhaṇasi vosarṭa pi hu kappati | 'avahaṃte vā asaṃtharaṃtammi', etadācāryavacanaṃ, codakena coditasya asya viśeṣaṇasya vyākhyāṃ kartukāmaḥ ācāryaḥ imaṃ gāthāsūtramāha
coyaga ! duvihā asaī, saṃtāsaṃtā ya saṃta asivādī | iyarā u jhāmiyāī, saṃte bhaṇiyā u sā sohī ||4051||
"coyaga ! duvihā asaī0" gāhā | he codaka ! duvihāte asatīe sabīyaṃ ahākaḍaṃ gheppati ṇa ya suddhaṃ pi? appaparikammaṃ | sā duvihā asatī-saṃtāsatī asaṃtāsatī ya | tattha saṃtāsatī - jesu gāmādīsu tāṇi pāyāṇi atthi tattha asivaṃ paṃthe vā saggāme vā tesu vā gharesu asivaṃ omodariyādīṇi vā esā saṃtā'satī | ahavā saṃtāsatī - atthi pāyā ṇavaraṃ gavaṃtāṇa ṇa tāva vahati | 'asaṃtharaṃtammi' tti atthi ḍaharagaṃ ṇa saṃtharaṃti teṇa asaṃtāsatī jhāmiyaṃ palīvaṇae daṭuṃ pāyaṃ, ādiggahaṇeṇaṃ teṇaehiṃ haḍaṃ| etehiṃ kāraṇehiṃ sabīyaṃ pi gheppati ahākaḍaṃ, ṇa ya suddhaṃ appaparikammaṃ | jaṃ puṇa mae bhaṇiyaṃ pacchittaṃ taṃ duvihāe asatīe abhāve geṇhaṃtassa bhavati | ahākaḍe, jati bitiyadoso tahā vi bahuguṇataraṃ, appaparikammaṃ puṇa suddhaṃ pi hu bahudosataraṃ | eteṇa kāraṇeṇa -
jo u guṇo dosakaro, na so guṇo dosameva taṃ jāṇe | aguṇo vi hoti u guṇo, viṇicchayo suṃdaro jassa ||4052||
"jo u guṇo0" gāhā | kaṇṭhyā | kahaṃ puṇa ahāgaḍaṃ sabīyaṃ pi bahuguṇataraṃ appaparikammaṃ suddhaṃ pi bahudosataraṃ ? ucyate - “āgaṃtuga-saṃkāmita-appa-bahu saṃtharaṃtammi2", jai tāṇi bīyāṇi āgaṃtugāṇi ahāgaḍe tāṇi aṇṇattha saṃkāmijjati jayaṇāe, tāhe tāe ceva velāe hiṃḍiyavvaṃ | ṇatthi parikammaṇe suttapalimaṃtho ṇa vi ya cheyaṇādisu ātovaghāto | evaṃ bahuguṇaṃ appaparikammaṃ puṇa suttaparimaṃtho | cheyaṇādisu ya āovaghāto | eyaṃ bahudosataraṃ | evaṃ appeṇaṃ doseṇaṃ bahutaro guṇo bhavati ahāgaḍe sabīe appaparikamme suddho | appeṇa guṇeṇa bahutarā dosā bhavaṃti | eyaṃ appābahugaṃ asaṃtharaṇe tuletuṃ ahāgaḍaṃ gheppati | asatī
1. asya vyākhyā ityadhikam - ḍa | 2. asaṃtharaṃtammi muca |