Biha Kappa v2.p154

v2.p154

563 (caturguru) jāva aṭṭhame divase pāraṃcio | sohi tti gayaṃ |
idāṇiṃ avavādi tti | divase divase āṇejja bhuṃjejja ya, ṇa ya pacchittaṃ | kiṃ puṇa evaṃ taṃ kāraṇaṃ?
bāle vuḍḍhe sehe, āyariya gilāṇa khamaga pāhuṇae | dullabha saṃsatta asaṃtharaṃta addhāṇakappammi ||4075|| harie bīe cale jutte, vacche sāṇe jalaṭṭhie | puḍhavī saṃpātimā sāmā, mahāvāe mahiyā'mite ||4076|| puvvaṇhe levadāṇaṃ, levaggahaṇaṃ susaṃvaraṃ kāuṃ |
levassa āṇaṇā liṃpaṇā ya jataṇāya kāyavvā ||4077||
"bāle0" ["harie0" "puvvaṇhe0"] gāhā | bālādīyā na saktati paḍiggahagaṃ hiṃḍāveuṃ āyariyāīṇaṃ pāuggaṃ ghippati dullabhadavvaṃ paḍuppaṇṇaṃ tāhe mattate geṇhejja | saṃsattabhattapāṇe vā, tattha soheti | asaṃtharaṇe vā sati laṃbhe paḍiggahago bharito, tāhe mattae geṇhejjā | 'addhāṇakappammi' tti addhāṇe vā asaṃtharaṃtā sati laṃbhe paḍiggahago bharito tāhe mattae geṇhejja | appaparikammaṃ saparikammaṃ ca leveyavvaṃ | tassa vihī bhaṇṇati jāhe peḍhiyāe | (gā0 500, 491)
[suttaṃ]-kappati niggaṃthāṇa vā niggaṃthīṇa vā bhinnāiṃ vatthāiṃ dhārittae vā pariharittae vā ||3-9||
āha - kimaṇeṇa sutteṇa payoyaṇaṃ nanūktārthamevedaṃ sūtram ? ata ucyateavvogaḍo u bhaṇi te, uvadhivibhāgo u ādisuttesu | so puṇa vibhajjamāṇo, uvarisue vogaḍo hoti ||4078|| coddasaga paṇṇavīso, ohovadhuvaggaho aṇegavidho | saṃthārapaṭṭamādī, ubhayopakkhammi ṇeyavvo ||4079|| pattaṃ pattābaṃdho, pāyaḍhavaṇaṃ ca pāyakesariyā | paḍalāiṃ rayattāṇaṃ, ca gocchao pāyanijjogo ||4080|| tiṇṇeva ya pacchāyā, rayaharaṇaṃ ceva hoi muhapottī | tatto ya mattae khalu, coddasame kamaḍhae hoti ||4081||