Biha Kappa v2.p158

v2.p158

|| uggahaṇaṃtauggahapaṭṭagapagayaṃ || [suttaṃ]-ṇo kappai ṇiggaṃthāṇaṃ uggahaṇaṃtagaṃ vā uggahapaṭṭagaṃ vā dhārittae vā pariharittae vā ||3-10||
ubhayammi vi avisiṭuṃ, vatthaggahaṇaṃ tu vaṇiyaṃ eyaṃ | jaṃ jassa hoti joggaṃ, idāṇiṃ taṃ taṃ parikaheti ||4100|| niggaṃthoggahadharaṇe, cauro lahugā ya dosa āṇādī | atiregauvahi taha liṃgabheda bitiyaṃ arisamādī ||4101|| [ni0] bhagaṃdalaṃ jassa'risā va niccaṃ, galaṃti pūyaṃ lasi soṇiyaṃ vā | uḍḍāhasajjhāyadayāṇimittaṃ, so uggahaṃ baṃdhati paṭṭagaṃ ca ||4102|| pūyalasigā uvassaem̐, dhovvati asahussa paṭṭau ruhiraṃ ca |
uggaha paṭṭaṃ ca sahū, vīyāre lohiyaṃ dhuvati ||4103||
["ubhayammi vi0" "niggaṃtho0" "bhagaṃdalaṃ0" "pūyalasigā0"] gādhāvṛttasiddhaṃ | ṇavaraṃ dhovituṃ | 'dhuvati' tti vraṇaṃ dhovittā cīrāṇi dhovati |
te puṇa hoṃti dugādī, divasaṃtariehiṃ bajjhae tehiṃ |
arugaṃ iharā kucchaḍ, te vi ya kucchaṃti ṇiccolā ||4104||
"te puṇa0" gāhā | tāṇi cīrāṇi jāṇi aṃtarā kīraṃti tesiṃ aṭṭhaehi ajjavajjhati kalle avaṇettā dhovittā ṇa tehiṃ bajjhati jehiṃ hajjo ṇa baddho tehiṃ vajjhati | 'iharaha' tti diṇe diṇe tehiṃ cceva jati vajjhati to kutthati vraṇo |
[suttaṃ] - kappai niggaṃthīṇaṃ uggahaṇaṃtagaṃ vā uggahapaṭṭagaṃ vā dhārittae vā pariharittae vā ||3-11||
"kappai niggaṃthīṇaṃ uggahaṇaṃtagaṃ vā0" suttaṃ puvvavaṇṇiyaṃ | dhārittae geṇhittae pariharittae paribhuṃjati jāhe bhikkhassa vā bāhiṃ vā ṇiti tāhe baṃdhaṃti | esa paribhogo |
ṇiggaṃthīṇa agiṇhaṇe, cauro gurugā ya āyariyamādī | taccaṇṇiya ogāhaṇa, ṇivāraṇa'ṇṇesi ohasaṇaṃ ||4105||
1. iharā - muca |