Biha Kappa v2.p161

v2.p161

[ uggahaṇaṃtauggahapaṭṭagapagayaṃ "uggahaṇa0" gāhā | jahā saṃgāme desakāle joho appāṇaṃ aṇṇāhetū ṇa ṇīti evaṃ tāo vi | ahavā jamhā laṃkhiyā guḍitā samāṇā atīti raṃgaṃ tattha ya karaṇā khayāiṃ kareti, evaṃ ajjāo vi ṇīti | etthimā dāragāhā vihiniggame -
joho muruṃḍajaḍḍo, ṇāḍaiṇī laṃkhiyā katalikhaṃbho |
ajjābhikkhaggahaṇe, āharaṇā hoti ṇāyavvā ||4121|| "joho muruṃḍajaḍḍo0" gāhā | tattha johe tti dāraṃ | vaṇito parājito mārio va saṃkhe avammito jodho | sāvaraṇe paḍipakkho, bhayaṃ ca kurute vivakkhassa ||4122|| "vaṇito0" gāhā | kaṇṭhyā | muruṃḍajaḍḍe ti | vihavasasā u muruṃḍaṃ, āpucchati pavvayāma'haṃ kattha | pāsaṃḍe ya parikkhati, vesaggahaṇeṇa so rāyā ||4123||
"vihavasasā tu0" gāhā | kusumapure nagare muruṇḍo rāyā | tassa bhagiṇī vihavā, dhavo manuṣyo vigato = vinaṣṭo yaduktam vigatadhavā | sesaṃ kaṇṭhyam -
ḍoṃbehiṃ ca dharisaṇā, māuggāmassa hoi kusumapure | ubbhāvaṇā pavayaṇe, ṇivāraṇā pāvakammāṇaṃ ||4124|| ujjhasu cīre sā yāvi ṇivapahe muyati je jahābāhiṃ| ucchūriyā ṇaḍī viva, dīsati kuppāsagādīhiṃ ||4125|| dhiddhikkato ya hāhakkato ya loeṇa tajjito meṃṭho |
oloyaṇaṭṭhiteṇa ya, ṇivārito rāyasīheṇa ||4126||
"ḍoṃbehiṃ0" ["ujjhasu0" "dhiddhikkato."] gāhā | ḍoṃbahatthimeṇṭho, hatthimeṇṭho saṃdiṭṭho pāsaṃḍiṇīsu hatthi saṇṇejjaṃti, bhaṇejjāhi ya pottaṃ muyāhi | ekkammi mukke mā ḍhāhisi tāva gahaggahāvejjāsi jāva savve mukkā | teṇaṃ cariyāe ya pahe tahā kayaṃ jāva ṇaggībhūtā | raṇṇā taṃ savvaṃ diṭuṃ | ṇavaraṃ ajjā vidhīe paviṭṭhā | rāyapahotiṇṇāe hatthī sannio - muyasu pottaṃ ti | paḍhamaṃ muhapottiyā mukkā, tao ṇisijjā | evaṃ vibhāsā | tāhe raṇṇā vārio | rāyā ciṃteti - esa dhammo savvaṇṇudiṭṭho aṇṇeṇa ya bahujaṇeṇa pasaṃsā kayā sāsaṇassa | 'ṇivāraṇā pāvakammāṇaṃ' ti | je aṇṇe vi abhiddavitumicchaṃti saṃjatīto te ya taṃ pāsittā ṇa sakkā eyāo chaletuṃ | evaṃviheṇaṃ veseṇaṃ | muruṇḍajaḍḍe tti gayaṃ |
idāṇiṃ liṃkhiya tti |