Biha Kappa v2.p163

v2.p163

[uggahaṇaṃtauggahapaṭṭagapagayaṃ duvihā ṇāyamaṇāyā, agīya aṇṇāya saṇṇimādīsu | sabbhāve siṃ kahite, sāritī jā thaṇaṃ piyatī ||4134|| "duvihā0" gāhā | asya vyākhyā
jattha u jaṇeṇa ṇātaṃ, uvassae ceva tattha ṇa ya bhikkhaṃ | kiṃ sakkā chaḍḍeḍaṃ, beṃti agīte asati saḍḍhe ||4135|| duratikkama khu vidhiyaṃ, avi ya akāmā tavassiṇī gahitā | ko jāṇati aṇṇassa vi, havejja ? taṃ sāravemo ṇaṃ ||4136|| mā ya avaṇṇaṃ kāhiha, kiṃ ṇa sutaṃ kesi saccaīṇaṃ bhe? | jammaṃ ṇa ya vayabhaṃgo, saṃjāto tāsi ajjāṇaṃ ||4137|| avi ya ha imehiṃ paṃcahiṃ, ṭhāṇehiṃ thī asaṃvasaṃtī vi | puriseṇa labhati gabbhaṃ, loeṇa vi gāiyaṃ eyaṃ ||4138|| dubviyaḍaduṇṇisaṇṇā, sayaṃ parā vā si poggale chubhati | vatthe vā saṃsaḍhe, dagaāyamaṇeṇa vā pavise ||4139|| avidita jaṇa gabbhammi ya, saṇṇīmādīsu tattha va'ṇṇatthā | lāḍheṃti phāsueṇaṃ, liṃgavivego ya jā pibati ||4140||
"jattha u0" ["duratikkamaṃ0" "mā ya0" "avi ya hu0" "duvviyaḍa0" "avidita0"] gāhāo kaṇṭhyāo | 'sabbhāve siṃ kahite' tti jattha jaṇeṇaṃ ṇa ṇāyaṃ tāhe sabbhāve tāe āloie, eyāe majjāyaṃ bhaṇihiti | aggīyaggahaṇaṃ jati kiṃ erisīe saṃgaho kahijjati ? tatesiṃ paṇṇavaṇā kāyavvā | evaṃ ṇāte | aṇṇāe imaṃ - 'aviditajaṇa[ gabbha ]mi' tti jati loeṇaṃ ṇa ṇāyaṃ dharisaṇeṇaṃ bāhāḍitā sāvagāṇaṃ ammā-pitisamāṇāṇaṃ gihe acchatu | asati saḍḍhāṇaṃ ahābhaddayāṇaṃ gihesu acchati |
etesiṃ asatīe, saṇṇāyagaṇālabaddhakiḍha phāsuṃ |
aṇṇo vi jo pariṇato, sa siddhavesetarī'gārī ||4141||
"etesiṃ asatīe0" gāhā | saṇṇātayagihesu acchati, asatīe jo se saṇṇātao saṃjao vuḍḍo ya 'siddhavese' tti so siddhavesaṃ kareti | sā vi gihiliṃgaṃ karettā phāsugāhārā
1. saḍḍhavese - ba |