Biha Kappa v2.p182

v2.p182

|| samosaraṇapagayaṃ || [suttaṃ]-ṇo kappai niggaṃthāṇa vā niggaṃthīṇa' vā paḍhamasamosaraṇuddesapattāī celāiṃ paḍiggahittae | kappati niggaṃthāṇa vā niggaṃthīṇa vā doccasamosaraṇuddesapattāī celāiṃ paḍiggahittae ||3-15||
sambandhaḥdiṭuṃ vatthaggahaṇaṃ, na ya vutto tassa gahaṇakālo u| osaraṇammi agejhaṃ, teṇa samosaraṇasuttaṃ tu ||4235|| ahavā vi sauvadhīo, seho davvaṃ tu eyamakkhāyaṃ | taṃ kāle khittammi ya, gajhaṃ kahiyaṃ agajhaṃ vā ||4236||
"diṭuṃ vatthaggahaṇaṃ0" ["ahavā vi0"] gāhādvayaṃ | kaṇṭhyam | niggaṃtha-niggaṃthīo puvvavaṇṇiyāṇi | jattha sarīso uvaeso tattha ubhayaṃ pi vārei | teṇa doṇha vi kasiṇa kappai niggaṃthaṇiggaṃthīṇaṃ | kiñca – na kappai paḍhamasamosaraṇuddesapattāiṃ cīrāṇi paḍhamasamosaraṇaṃ ti vā, jeṭṭhoggaho tti vā vāsāvāsaṃ ti vā egaṭuṃ, tammi samosaraṇe khettappattāṇa ya kālappattāṇa ya kappaṃti cīrāṇi paḍigāhittae, esa suttattho | evaṃ sutte vibhāsiyaṃ | coyago coei - uddesa ityuddeśikaṃ | taṃ paḍhamasamosaraṇe ṇa kappai ghettuṃ |
paḍhamammi samosaraṇe, uddesakaḍaṃ na kappatī jassa | tassa u kiṃ kappaṃtī, uggamadosā u avasesā ? ||4237|| uddesaggahaṇeṇa va, uggamadosā u savve jati gahitā | uppādaṇādi sesā, tamhā kappaṃti kiṃ dosā ? ||4238|| ahavā uddissa katā, esaṇadosā vi hoṃti gahitā tu | ādīaṃtaggahaṇe, gahiyā uppādaṇā vi tahiṃ ||4239|| ee a tassa dosā, uḍubaddhe jaṃ ca kappate ghittuṃ | koī bhaṇijja dosu vi, na kappati sutaṃ tu sūeti ||4240||
1. ubhayassa vi - sarvatra hastapratau, evam agre'pi |