Biha Kappa v2.p198

v2.p198

607 "duyamādī sāmaṇṇe0" ["amaṇuṇṇa0" "vatthehiṃ0" "vidu0"] gāhā cattāri kaṇṭhyāo | āyariyassa varāṇi visiṭṭhāṇi dijjaṃti | ahārāiṇiyā patthite ime ||
uvasaṃpajja gilāṇe, paritta suta soavve ya jātī ya | tava bhāsā laddhīe, ome duvihassa arihā u ||4315|| "uvasaṃpajja0" gāhā | eesi parūvaṇayā, jā ya viṇā tehiṃ hoti parihāṇī |
ahavā ekkekkassa u, aḍḍokkaṃtīkkamo hoti ||4316||
"eesi parūvaṇayā0" gāhā | jo tappaḍhamatāe uvasaṃpajjai gilāṇo āgāḍhamaṇāgāḍho paritatthi parittovahī | “suta" tti | jo suyasaṃpanno mehāvī "sotavvaya''tti jo aṇubhāsai | jai thero vuḍḍo cirapavvaio ya, "tava" tti khamago tavassī, "bhāsa" tti jo abhāsio kuḍukkamādī jo vā obhāsai, "laddhī ya" tti jassa laddhīe labbhaṃti ṇaṃtayāṇi | eesiṃ jahākameṇaṃ dāuṃ pacchā je sesā tesiṃ jahakkameṇaṃ jo jo pariyāgarāiṇio so so paḍhamaṃ geṇhai omarāiṇio pacchā, eyaṃ 'ome' tti gayaṃ | "duvihe''tti uhovahī uvaggahio vā, ee evaṃ parūviyā | jai eesiṃ ṇa deṃti to jā vatthehiṃ viṇā tesiṃ parihāṇī taṃ nipphaṇṇaṃ pāvai|
imo aḍḍokkaṃtigamo | uvasaṃpajja gilāṇo, agilāṇo vā vi doṇṇi vi gilāṇā | tattha vi ya jo paritto, esa gamo sesagesuṃ pi ||4317||
"uvasaṃpajja0" gāhā | duviho uvasaṃpajjiukāmo gilāṇo agilāṇo ya | gilāṇassa dāyavvaṃ | do vi gilāṇā agilāṇā vā, tattha jo parittovahī tassa dāyavvaṃ, do vi parittovahī je suyavaṃto tassa dāyavvaṃ | evaṃ vibhāsā kāyavvā | ahavā imā parivāḍī
āyarie ya gilāṇe, patitta pūyā pavatti therī gaṇī | suta bhāsā laddhīe, ome pariyāgarātiṇie ||4318||
"āyarie ya0" gāhā | puvvaṃ āyariyassa vagatthāṇi visiṭṭhāṇi ya dāuṃ tāhe gilāṇassa dāuṃ tāhe paritovahīssa tao pūyaṇārihassa uvajjhāyassa tao pavittissa tao therassa pariyāeṇaṃ sueṇa vā, tao gaṇissa āyariyatullassa | sesaṃ taṃ ceva aḍḍokkaṃtiya ettha joeyavvā| evaṃ saṃghāḍaeṇa āṇiyāṇiṃ -
1. sutathi tti a i |