Biha Kappa v2.p202

v2.p202

__ "taruṇe0" ["pavattiṇi." "savvā vi0" "taruṇī nipphaṇṇa."] gāhā | jattha āyario tāreyavvo aṇṇe ṇa sakkei tattha jayaṇā | doṇṇi āyariyāto ekko taruṇo, ekko vuḍḍo | jai sakkei do vi tāreu, aha na sakkei taruṇaṃ tāreu | do vi taruṇā hojja ekko ṇipphannaparivāro ekko anipphannāparivāro| jai sakke i do vi tāreu, aha na sake i anipphannaparivāraṃ tāreu | do vi anipphannaparivārā ekko saladdhīo ekko aladdhīo | jai do vi na sakkei se saladdhīyaṃ tāreu| do vi saladdhīyā | ekko āsanne ṭhiullao ikko dūre| jai do vi ṇa sakkei jo abbhāse taṃ tāreu | do vi abbhāse udagavāhae ekko tārao ekko atārao, atārao tāreyavvo | esa paṃcamo gamo | agaṇibhave paṃcamo, jo na sakkei palāeuṃ taṃ ṇitthāreu | evaṃ teṇomodariya - addhāṇa - gilāṇa-sāvaya-paduḍhesu vi | abhisegassa "nipphantraparivāre" tti | esa ṇatthi gamo | kiṃ kāraṇaṃ? tassa parivāro ṇatthi | sesā taruṇā 1 saladdhīe 2 asabbhāse 3 tāragādī 4 ya bhavaṃti | ee cattāri bhikkhumādīṇaṃ paṃcagamā taruṇādīyā navaraṃ "nipphanne'' tti, so nipphanno anipphanno ya | bahussuyassa abahussuya ityarthaḥ | bahussuo ghetavvo | sesā tinni gamā | tecceva je āyariyassa khuḍḍagassa taruṇadāre jahaṇṇataro so nitthāreyavvo | sesā cattāri jahā bhikkhussa therassa taruṇadāreṇa ekko jahanno, ekko ukkoso| jahanno ghettavyo | sesā jahā bhikkhussa | evaṃ itthīṇa vi pavittiṇi abhisegā bhikkhuṇī khuḍḍiyā therī | coyago bhaṇai -
bālā ya vuḍḍā ya ajaṃgamā ya, loge vi ete aṇukaṃpaṇijjā | savvāṇukaṃpāem̐ samujjaehi, vivajjao'yaṃ kahamīhito bhe ||4342|| jaha buddhī cirajīvī, taruṇo thero ya appasesāū | sovakkamammi dehe, eyaṃ pi na jujjae vottuṃ ||4343|| avi ya hu asahū thero, payarejjiyaro kadāi saṃdehaṃ |
orālamidaṃ balavaṃ, jaṃ gheppai muccaī abalo ||4344||
"bālā ya0" ["jaha buddhī0" "avi ya hu0"] gāhātrayaṃ kaṇṭhyam | "urālamidaṃ" ti sāmāyikeyaṃ bhāṣā aśobhanamityarthaḥ | āyariyo bhaṇai -
āya pare uvagiṇhai, taruṇo thero u tattha bhayaṇijjo | aṇuvakkame vi thevo, ciṭṭhai kālo u therassa ||4345|| "āya pare0" gāhā kaṇṭhyā | diṭuṃto -