Biha Kappa v2.p204

v2.p204

613 uvaggahiuvahigahaṇaṃ ca | purāṇovahigahaṇassa vi emeva | tattha abhinavagahaṇe duvihassa vi uvahissa imā vibhāsāgāhā
jāyaṇa nimaṃtaṇuvassaya, pariyāvaṇṇaṃ pariṭṭhaviya naṭuṃ | pamhuṭṭha paḍiya gahiyaṃ, abhinavagahaṇaṃ aṇegavihaṃ ||4355|| "jāyaṇa nimaṃtaṇu0" gāhā | jāyaṇā vatthassa nimaṃtaṇā vatthassa ya imā gāhā -
jo ceva gamo heṭṭā, ussaggāīsu vaṇṇio gahaṇe |
duvihovahimmi so cciya, kāsa tti ya kiṃ ti kīsa tti ||4356||
"jo ceva gamo heṭṭhā0" gāhā | jahā heṭṭhā peḍhiyāe (gā0 622-24) tahā bhāṇiyavvaṃ |
idāṇiṃ purāṇovahī gahaṇaṃ duvihaṃ = uvaṭṭhāvaṇāe gahaṇaṃ taha ya uvaṭṭhāvae gahaṇaṃ | tattha jaṃ uvaṭṭhāvaṇāe gahaṇaṃ taṃ sehassa uvaṭṭhāvijjaṃtassa | gahaṇavihī
kopparapaṭṭagagahaṇaṃ, vāmakarāṇāmiyāem̐ muhapottī | rayaharaṇa hatthidaṃtunnaehim̐ hatthe vaṭṭhāṇaṃ ||4357||
"koppara0" gāhā | paṃcahiṃ uvakaraṇehiṃ uvaṭṭhāvijjai | taṃ rayaharaṇeṇaṃ colapaṭṭeṇa muhapottiyāe | dohiṃ ya ṇisajjāhiṃ eyaṃ uvaṭṭhāvaṇāe gahaṇaṃ | uvaṭṭhāviyassa gahaṇe imā gāhā
uvaṭhāviyassa gahaṇaṃ, ahabhāve ceva taha ya paribhoge ||
ekkekkaṃ pāyādī, neyavvaṃ āṇupuvvīe ||4358||
"uvaṭhāviyassa gahaṇaṃ0" uvaṭṭhāviyassa gahaṇaṃ duvihaṃ - ahābhāvagahaṇaṃ paribhogagahaṇaṃ ca | “ekkekaṃ pādādī" asya vyākhyā - pādassa duvihagahaṇaṃ-ahābhāvagahaṇaṃ paribhogagahaṇaṃ ca| evaṃ coddasavihassa vi uvahissa | tattha ahābhāvo jaṃ acchai ṭhaviyaṃ vā gahiyaṃ vā paribhogagahaṇaṃ | jaṃ jāe velāe paribhujjai taṃ paribhogagahaṇaṃ | etadevārtham -
paḍisāmiyaṃ tu acchai, pāyāī esa hota'hābhāvo | saddavva pāṇa bhikkhā, nillevaṇa pāyaparibhogo ||4359|| "paḍisāmiyaṃ0' gāhā | kaṇṭhyā | ahavā imaṃpāṇadaya sīyamatthuya, pamajja cilimili nisijja kālagate |
gelanna lajja asahū, cheaṇa sāgārie bhogo ||4360||
"pāṇadaya0" gāhā | pāṇadayānimittaṃ-masagāṇaṃ jayaṇā bhavatu tti pāuṇai, sīeṇa pāuṇai | sesaṃ kaṇṭhyam | evaṃ khamaeṇa bhaṇie so coyago bhaṇai -