Biha Kappa v2.p209

v2.p209

visesacuṇṇi [ahārāiṇiyasejjāsaṃthāragapaḍiggahapagayaṃ āvāya cilimiṇīe, ranne vā nibbhaye samuddisaṇaṃ | sabhae pacchannā'sai, kamaḍhaga kuruyā ya saṃtariyā ||4384|| koṭṭhaga sabhā va puvvaṃ, kāla-viyārāi bhūmipaḍilehā | pacchā atiti rattiṃ, ahavaṇa pattā nisiṃ ceva ||4385|| gommiya bhesaṇa samaṇā, nibbhaya bahi ṭhāṇa vasahi paḍilehā | sunnaghara puvvabhaṇie, kaṃcuga taha dārudaṃḍe ya ||4386|| saṃthāraga bhūmitigaṃ, āyarie sesagāṇa ekvekkaṃ| ruṃdāe puṇphakinnā, maṃḍaliyā āvalī itare ||4387||
"pariṇayavaya0" ["biiyaṃ tāhe." "āvāya0" "koṭṭaga0" "gommiya0" "saṃthāraga0"] gāhāo kaṇṭhyāo |
sīsaṃ ito ya pādā, ihaṃ ca me veṃṭiyā ihaṃ majjhaṃ |
jai agahiyasaṃthāro, bhaṇāi lahugo'hikaraṇādī ||4388||
"sīsaṃ ito ya0" gāhā | jo appaṇo icchāe etto me sīsaṃ hohiti tahiṃ veṃṭiyaṃ ṭhavei, bhāyaṇāṇi ya pāse ṭhavei tassa māsalahu jāhe uvakaraṇaṃ paḍilehiyaṃ bhavati uvassāo ya pamajjio tāhe āyariyā bhaṇaṃti - ukkhivaha ajjo ! veṃṭiyāo | evaṃ bhaṇie jo ṇa ukkhivai tassa māsalahu | saṃthāraesu ya gahiesu imo guṇo bhavai |
saṃthāraggahaṇīe, veṃṭiya ukkhevaṇaṃ tu kāyavvaṃ | saṃthāro ghettavyo, māyā-mayavippamukkeṇaṃ ||4389|| sama visamāi na pāsai, dukkhaṃ ca ṭhiyammi ṭhāyaī anno | neva ya asaṃkhaḍādī, viṇayo amamijjayā ceva ||4390|| saṃthāraggahaṇīe, kaṃṭaga vīyāra pāsavaṇa dhamme || payalaṇe māso guruo, sesesu vi māsiyaṃ lahugaṃ ||4391||
"saṃthāraggahaṇīe0" [“sama visamaiṃ0" "saṃthāraggahaṇīe0"] gāhā | kaṇṭhyā | saṃthārayagahaṇīe veṃṭigesu ukkhippamāṇīsu goraveṇaṃ-mama suṃdaro obhāso tti kāuṃ ālasseṇa vā māiyaṃ imaṃ karei | kaṃṭagavīyārādīṇi gāhāsiddhāṇi |
1. saṃsaio ya a ba ka ḍa i |