Biha Kappa v2.p21

v2.p21

[ uvassayapagayaṃ "bīehiṃ kaṃda0" ["jattha u0"] gāhā | jahā ettha ceva bīyāṇi gahitāṇi ṇa kaṃdādīṇi, paurāṇi uvassae bhavaṃti, kaṃdādīṇi bhavaṃti vā na vā | mūlādīṇi puṇa bīehiṃ sūiyāṇi | jahiṃ ca kiṃci kāraṇaṃ natthi tattha kameṇa ceva bhaṇṇai | jattha desaggahaṇaṃ karei tattha sesaṃ sūiyavaseṇaṃ ṇijjai| jahā bīehiṃ sūiyā kaṃdādao, tesu ca ṭhāyaṃtassa cavi(saci)ttācittamīsaesu parittāṇatesu ya pacchittammi sūiyameva | sacittesu parittesu :: 4 (?) | mīsaesu parittesu mā(māsalaghu) | aṇaṃtesu mā0 (māsaguru) | jā ya virāhaṇā duvihā | jahā bīehiṃ mūlādī dasaviho vanakāo sūito tahā vaṇakāeṇa vi puḍhavimādī sabhedā sārovaṇā sūiyā | jattha tu desaggahaṇaṃ tattha sesāiṃ sūiyavaseṇaṃ tāiṃ savvāiṃ mottūṇa adhikāra ṇeva jāṇihiti tti aṇuogadharāe bhāsaṃti |
ussaggeṇaṃ bhaṇiyāṇi jāṇi avavādato tu jāṇi bhave | kāraṇajāteṇa muṇī !, savvāṇi vi jāṇitavvāṇi ||3326|| ussaggeṇa nisiddhāim̐ jāim̐ davvāim̐ saṃthare muṇiṇo |
kāraṇajāte jāte, savvāṇi vi tāṇi kappaṃti ||3327||
"ussaggeṇa0" ["ussaggeṇa nisiddhāiṃ0"] gāhādvayaṃ kaṇṭhyam | punarāha coyaka:
jaṃ ciya pae ṇisiddhaṃ, taṃ ciya jati bhūto kappatī tassa | evaṃ hota'ṇavatthā, ṇa ya titthaṃ ṇeva saccaṃ tu ||3328|| ummattavāyasarisaṃ, khu daṃsaṇaṃ ṇa vi ya kappa'kappaṃ tu | adha te evaṃ siddhī, ṇa hojja siddhī u kassevaṃ ||3329|| "jaṃ ciya0" ["ummatta0"] gāhādvayaṃ kaṇṭhyam | āyariyāha
ṇa vi kiṃci aṇuṇṇāyaṃ, paḍisiddhaṃ vā vi jiṇavariṃdehiṃ | esā tesiṃ āṇā, kajje sacceṇa hotavvaṃ ||3330||
"ṇa vi kiṃci0" gāhā | ussaggo vi ṇāṇunnāo egaṃteṇa jeṇa avavādaṃ avekkhai | avavādo vi egaṃteṇa ṇāṇuṇṇāto kiṃ puṇa rāgaddosavippamukkeṇaṃ titthagarāṇāe tulāsameṇa hoyavvaṃ | sacco saṃjamo kajje teṇa sacceṇa hoyavvaṃ | jahā so saṃjamo hoi tahā kāyavvaṃ | kahaṃ puṇa ?
dosā jeṇa nirubbhaṃti jeṇa khijjaṃti puvvakammāiṃ | so so mokkhovāo, rogāvatthāsu samaṇaṃ vā ||3331||