Biha Kappa v2.p214

v2.p214

āyariyassāyariyaṃ, aṇuṭṭiyaṃtassa caugurū hoti | vasabhe bhikkhū khuḍḍe, lahugā lahugo ya bhinno ya ||4422||
"āyariyassāyariyaṃ0" gāhā | āyāriyassa āyariyaṃ pāhuṇayamāgayaṃ aṇubbhuḍheṃtassa caugurugā | āyariyassa vasabhaṃ pāhuṇayaṃ aṇubbhuḍheṃtassa :: (caturlaghu) bhikkhussa māsalahuṃ | khuḍḍassa bhinnamāso | evaṃ tāva āyariyassa saṭṭhāṇa-parahāṇe bhaṇiyaṃ causu ṭhāṇesu |
idāṇi sesāṇaṃ saṭṭhāṇaparaṭṭhāṇe bhaṇṇaisaṭṭhāṇa paraṭṭhāṇe, emeva ya vasaha bhikkhu khuḍḍāṇaṃ | jaṃ paraṭhāṇe pāvai, taṃ ceva ya sohi saṭṭāṇe ||4423|| dohi vi gurugā ete, āyariyassā taveṇa kāleṇa |
tavagurugā kālagurū, dohi vi lahugā ya khuḍḍussa ||4424||
"saṭṭhāṇa parahāṇe0"["dohi vi0"] gāhā | vasabhassa āyariyaṃ pāhuṇayaṃ āgayaṃ | aṇubbhuṭuiṃtassa :: | (caturguru) vasabhaṃ :: (caturlaghu), bhikkhussa māsalahuṃ, khuḍḍassa bhinnamāso | evaṃ bhikkhuṇā khuḍḍeṇa vi nāyavvaṃ |
ahavā avisiṭuṃ ciya, pāhuṇayā''gaṃtue gurugamādī | pāveṃti aṇuṭṭitā, cauguru lahugā lahuga bhinnaṃ ||4425||
"ahavā0" gāhā | āyario jaṃ vā taṃ vā pāhuṇayamāgayaṃ ṇa abbhuṭei :: | (caturguru) vasabho :: (caturlaghu), bhikkhū māsalahu, khuḍḍo bhinnamāso |
ahavā jaṃ vā taṃ vā, pāhuṇagaṃ gurumaṇuṭhṭhihaṃ pāve | bhinnaṃ vasabho sukkaṃ, bhikkhu lahū khuḍḍae gurugā ||4426||
"ahavā jaṃ vā0" gāhā | āyario jaṃ vā taṃ vā pāhuṇayamāgayaṃ ṇa abbhuḍhei bhinnamāso, vasabho māsalahum̐, bhikkhū :: (caturlaghu), khuḍḍo :: | (caturguru) | etaduktaṃ bhavati - bhinne paḍilomaṃ biieṇa | syānmatiḥ - kiṃ kāraṇamevaṃ pacchittaṃ dijjai paḍilomaṃ ucyate -
vāyaṇa vāvāraṇa dhammakahaṇa sattatthaciṃtaṇāsaṃ ca | vāulie āyarie, biiyādeso u bhinnāī ||4427|| vesai lahumuḍhei ya, dhūlīdhavalo asaṃphuro khuḍḍo | iti tassa hoti gurugā, pālei hu caṃcalaṃ daṃḍo ||4428||