Biha Kappa v2.p244

v2.p244

io uddesa
653
acchai tāva savattiṇī āgaṃtuṃ ukkhivaṇalakkheṇa sāhussa aggao dhasa tti ṇivāḍio mao, evaṃ saṃkijjejja | musāvāyaṃ āvajjai titthagarehiṃ paḍisiddhaṃ | jaha ṇe1 vaṭṭai gihinisejjā vāheuṃ | so'yaṃ appaṇā vāreūṇaṃ tāhe appaṇā ceva vāhei evaṃ | ahavā so dhammaṃ kahei tāhe gharasāmiṇā bhaṇio - puṇo mā maṃ gharaṃ ehisi | tāhe teṇa bhaṇiyaṃ - gharaṃ tehiṃti pāṇasuṇayā so ya na tarai jibbhaṃ ṇiyatteuṃ | tāhe puṇo vi vaccai | evaṃ āvajjai saṃkijjai | so gihattho bhaṇejja jemeṃto doccagaṃ- amugaṃ natthi | sā bhaṇejja - sāṇeṇa khāiyaṃ | so bhaṇai - jāṇāmi tuhaṃ sāṇaṃ | adiṇṇadāne
sayameva koi luddho, avaharatī taṃ paḍucca kammakarī | vāṇigiṇī mehuṇe, vahuso ya ciraṃ saṃkā ya ||4595|| dhammaṃ kahei jassa u, tammi u vīyārae gae saṃte | sārakkhaṇā pariggaho, pareṇa diṭṭhammi uḍḍāho ||4596||
"sayameva koi0 " [ " dhammaṃ kahei0 " ] gāhā | koi luddho saṃjao sayameva ucchuddhavippakiṇṇaṃ avaharejja, kammakarī vā taṃ paḍucca avaharejja | tattha sāhū saṃkijjejja | mehuṇe pautthapaiyā vāṇagiṇī | tāe samaṃ āya - parasamutthā dosā | saṃkijjai tattha utthāo acchaṃti | ime ya bahuso vaccai ciraṃ ca acchai, tattha kaṃdappaṃ karei tattha saṃkijejja | pariggahe jīe dhammaṃ kahei | mā kāiyabhūmiṃ | kei bhāṃti - rakkhijjāhisi jāva emi, jāva so rakkhai tāva tassa pariggaho | te ceva gharaṃ rakkhaṃto aṇṇeṇaṃ diṭṭho, so jāṇai eyassa vi hirannaṃ vā evaṃ saṃkijjejja evamāī dosā kaheṃtassa | tamhā ṇa kaheyavvaṃ | biiyapade taṃ ceva -
egaṃ ṇāyaṃ udagaṃ, vāgaraṇamahiṃsalakkhaṇo dhammo | gāhāhi silogehi ya, samāsato taṃ pi ṭhiccāṇaṃ || 4597 ||
“egaṃ ṇāyaṃ udagaṃ0” gāhā |
[ aṃtaragihakhāṇāipagayaṃ samattaṃ ]
1. ṇo iti bhāvyam ? | 2. sā kāiyabhūmikae bhaṇati iti bhāvyam ? |