Biha Kappa v2.p254

v2.p254

663 tubbhe vi tāva maggaha, ahaṃ pi jhosemi maggaha va annaṃ | naṭe vi tubbha'ṇaṭṭhā, vadaṃti paṃte'ṇusaṭṭhādī ||4645|| "tubbhe vi tāva0" gāhā | mollaṃ nattha'hiraṇṇā, uvadhiṃ me deha paṃtadāyaṇayā |
annaṃ va deṃti phalagaṃ, jayaṇāe maggiuṃ tassa ||4646||
"mollaṃ0" gāhātrayam | 'jai naṭṭho saṃthārago tubbhe mamaṃ na navā' evaṃ jaṃpato bhaṇejja maggaṃte jayaṇāe uvahiggahaṇe tti | asya vyākhyā - "natthi ṇe mollaṃ0" gāhā | jai bhaṇai - uvahī deha tao jeṇa saṃthārago maggio tassa jo uvahī aṃto junno ya so darisijjai | erisaṃ eyassa vijjamāṇaṃ | vivādo tti asya vyākhyā -
savve vi tattha ruṃbhati, bhaddo mulleṇa jāva avarahe | egaṃ ṭhaveu gamaṇaṃ, so vi ya jāva'ṭṭhamaṃ kāuṃ ||4647||
"savve vi0" gāhā | jai rujjhai tāhe avaraṇhāo jāva acchittā tattha khamagaṃ ṭhavettā gacchaṃti, so vi aṭṭhamaṃ kāūṇassai jai na muṃcaṃti | anno vā koi bhaddago mullaṃ dāuṃ visajjāvei |
laddhe tīriyakajjā, tasseva'pyati ahava bhuṃjaṃti | pabhu laddhe va'samatte, doccaggaha tassa mūlāo ||4648|| bitiyaṃ pabhunivvisae, ṇaṭṭhiya sunna mayamaṇappajjhe |
asahū ya rāyapuḍhe, bohika bhaya sattha sīse vā ||4649||
"laddhe tīriya0" ["bitiyaṃ pabhu0"] gāhā | tīritakajja nāma samattakajjo ityarthaḥ | asamattakajjā bhuṃjaṃti prabhuṇā laddho sāhūṇaṃ dinno doccoggaho bhavai |
[sijjāsaṃthāragapagayaṃ samattaṃ ]