Biha Kappa v2.p258

v2.p258

pavvaihaṃ ti ya bhaṇite, amugattha gayā vayaṃ ti dikkheuṃ | tesi samīvaṃ ṇemo, na ya vāhaṇate tayaṃ so ya ||4665||
"piyamappiyaṃ0" ["pavvaihaṃ ti0"] gāhā | taṃ parihasiyamaṇaṃ dīṇamaṇaṃ vā daṭuṃ te sāhavo vā pucchaṃti - kiṃ parihasio si kiṃ vā ciṃtāparo ? so bhaṇai - te sāhuṇo na pekkhāmi kahiṃ gayā ? tāhiṃ tehiṃ bhaṇiyavvaṃ - kiṃ tehiṃ ? pavvatīhāmi tesiṃ sagāse | evaṃ teṇa vuttehiṃ bhāṇiyavvaṃ - amugattha te gayā amhe te dikkhettā | tesiṃ sakāsaṃ nemo | evaṃ hotu tti abbhuvagacchati jamhā tamhā avvāhao bhaṇṇai | tāhe so pavvaīo |
saṃghāḍaga egeṇaṃ, paṃthuvaese va muṃḍie tiṇṇi | ii taruṇa majjha there, ekkakke tinni nava ete ||4666|| paḍhamadiṇe saggāme, ego ṇavago bitijjae bitio | emeva paraggāme, paḍhame bitie ya be ṇavagā ||4667||
"saṃghāḍaga egeṇaṃ0" ["paḍhamadiṇe0"] gāhā | so tehiṃ saṃghāḍayassa hatthe payaṭṭeyavvo | aha pahuccaṃtā egassa hatthe ya payarṭeti, asai egāṇiyaṃ pi payarddhati, paṃthaṃ se uvadisaṃti | ee taruṇassa tinni pagārā, majjhimassa vi tinni, therassa vi tiṇṇi | ee nava bhavaṃti | muṃḍiyassa ekko ṇavago | paḍhamadivase, [emeva] biio navago | ete saggāme do navagā| paraggāme vi ete do navagā | ete cattāri navagā, muṃḍiyassa payaṭṭijjamāṇassa cattāri navagā | jai puṇa appaṇā geṇhaṃti caugurugā ṇa ya labhaṃti|
emeva amuṃḍiyassa vi, cauro ṇavagā havaṃti kāyavvā | emeva ya itthīṇa vi, ṇavagāṇa caukkagā duṇṇi ||4668||
"emeva" gāhā | amuṃḍie vi saṃghāḍagaappabiie egāṇie vā cattāri navagā bhavaṃti | etesu purisesu | itthīsu vi ete ceva cattāri navagā | syānmatiḥ - kiṃ kāraṇaṃ amuṃḍiyaṃ pesaveṃti ? ata idamucyate -
sāgāriyasaṃkāe, ṇicchati ghicchaṃti vā sayaṃ mā me | te va adaṭuṃ puṇaravi, paccehamamuṃḍito evaṃ ||4669|| "sāgāriya0" gāhā | kaṇṭhyā | esa paḍhamabhaṃgo gao | idāṇiṃ biiyaṃ taiyaṃ ca bhaṃgaṃ vakkhāṇeieseva ya ṇavagakamo, saī rūvaṃ va hoi jāṇaṃte | jo puṇa kittiṃ jāṇati, ṇa te vayaṃ sissate tassa ||4670||