Biha Kappa v2.p262

v2.p262

671 evaṃ vāsāvāse, uḍubaddhe paṃthe jattha vā ṭhāti | savvattha hoti uggaho, kesiṃci patīva diṭuṃto ||4689||
"evaṃ vāsāvāse0" gāhā | evaṃ vāsāvāse bhaṇiyaṃ, uḍubaddhe evaṃ ceva | paṃtheṇa vi vaccaṃto āyario jattha ṭhāi tattha savvaosamaṃtā sakkosaṃ joyaṇaṃ uggaho | tattha vi evaṃ ceva sacittādīṇaṃ | keī bhaṇaṃti maggao natthi uggaho | esa aṇādeso - padīvadiṭuṃteṇaṃ savvao samaṃtā bhavai | evaṃ tāva khette |
idāṇi -
akkhitte vasadhīe, jāṇaga jāṇāvie vi emeva | ujjugamaṇujjuge yā, so ceva gamo havai tattha ||4690||
"akkhitte0" gāhā | iṃdakhīlamaṇoggaho tattha vasahīe maggaṇā | jā esā maggaṇā bhaṇiyā "cattāri navaga jāṇaṃtagammi jāṇāvie vi cattāri" (4663) evaṃ gṛhitaṃ "abhihāraṇāe ee khettammi vippariṇayā vi" (4663) asyārthaḥ | ete tti avvāhatamādi kāuṃ jāva vatthavvavāyāhaḍā | ete abhidhāreṃtā avvocchinnakhettie jai vippariṇayā tahā vi avvocchinnakhettiyāṇa ceva ābhavaṃti |
idāṇiṃ abhihāraṇāe tti dāraṃ
aṇidiṭṭha saṇṇa'saṇṇī, gahitā gahite ya oha sacchaṃdo | ṇiṭṭhi liṃgasahito, saṇṇī tasseva ṇa'ṇṇassa ||4691||
["aṇidiṭṭha0"] "abhihāreṃto" (4703)1 gāhā | jo so abhihāreṃto duviho - sannī asannī vā, duviho niddisio ca | niddisio nāma 'amugassa āyariyassagāse pavvaissāmi' | so puṇa egaṃ vā āyariyaṃ niddisejja aṇegā vā āyariyā niddisejjā | jo aṇeṇa niddisai so evaṃ saṃkappei - jo me ruccissai tassa sagāse pavvaissāmi |
"liṃgasahio" [tti] jo so sannī nidisiuṃ gacchai so liṃgasahio vā bhavejja gihatthaliṃgeṇa vā evaṃ aṇiddisiuṃ vaccai so saṇṇī vā asaṇṇī vā hou sasiho vā gacchau asiho vā jattha pavvayai tasseva sīso so | jo puṇa nidisiuṃ sannīliṃgasahio vaccai so jaṃ niddisai tasseva so anno na labhati |
niddiḍhe asaṇṇī, gahiyā'gahie ya agahie saṇṇī | tasseva avi pariṇate, vipariṇate jassa se icchā ||4692||
1. atra gāthāyā vyutkramo dṛśyate |