Biha Kappa v2.p264

v2.p264

673 assannī uvasamito, appaṇoṃ icchāi aṇṇahiṃ tassa | daṭṭhaṇaṃ ca pariṇae, uvasāmite jassa vā khittaṃ ||4700||
"asannī0" gāhā | egeṇaṃ asannī ovasāmio | ekkaggāme tti taṃ khettaṃ annassa jāva so sammattaṃ na geṇhai tāva so jai pavvayai khettiyassa, aha gahie sammatte pavvayai to appaṇo icchāe jassa icchai tassa so annahiṃ tassa tti khettapahiyāi jai uvasāmai daṭuṃ vā uvasamai uvasāmaṃtassa aha khettaṃ to daṭṭhaṇaṃ uvasaṃto khettiyassa so jaṃ daṭṭhaṇaṃ uvasaṃto so na labbhai | etadevārtham -
parakhitte vasamāṇo, aikkamaṃto va ṇa labhati asamṇi | chaṃdeṇa puvvasarpiṇa, gāhitasammāti so labhati ||4701||
"parakkhitte vasamāṇo0" gāhā | kaṇṭhyā | “gahie samaṃ so labhai" tti sa eva atikammaṃto labhati, ṇa tu jassa khettaṃ | egaggāmo tti gayaṃ |
idāṇiṃ aicchitte tti dāraṃ
maggaṃto annakhitte, abhidhāraṃto u bhāvato tassa | khittammi khittiyassā, bāhiṃ vā pariṇato tassa ||4702|| "maggaṃto0" gāhā | asya vyākhyā
abhidhāriṃto vaccati, pucchittā sāha vaccato tassa | parisāgato va kahai, kaḍḍaṇaheuṃ na taṃ labhati ||4703|| ujjukahae pariṇataṃ, aṃto khittassa khittio labhai | khittavahi tu pariṇayaṃ, labhatujju kahī ṇa khalu mādī ||4704||
"abhidhārito0" ["ujjukahae0"] gāhādvayam | ego maggaṃto vaccai kaṃci āyariyaṃ | tassa koi sāhū paṃthe milio, so teṇa pucchio - amuo kahiṃ āyariyo ? sāhuṇā bhaṇṇai - kiṃ teṇaṃ? bhaṇai - tassa sagāse pavvaiukāmo ahaṃ | tāhe so kaḍḍhaṇaheuṃ dhamma kahei | ahavā parisāmajjhe dhammaṃ kahaṃtassa ḍhukko vaṃdio ya | so jāṇettā kaḍḍaṇaheuṃ kahei | jai tassa pariṇamai pavvayāvei ya na labbhai, jaṃ abhidhāreṃto vaccai tassa so| pacchaddhassa vyākhyā | dvitīyagāhā | aha so kaḍḍaṇaheuṃ kahei so ya pariṇao jassa khettaṃ tassa so | ahavā bāhiṃ khettassa ujjū kaheṃtassa pariṇao kahao labbhai | aha kaḍḍaṇāheuṃ kahei jassa abhidhāreṃto