Biha Kappa v2.p269

v2.p269

[uggahapagayaṃ vaccaṃto so sāhuṃ daṭuṃ pucchai–kahiṃ ci tubbhe amugā āyariyā diṭṭhā vā sutā vā? tattha imā gāhā -
jati puṇa teṇa ṇa diṭṭhā, ṇeva suyā pucchito bhaṇati aṇṇe | jati vā gayā videsaṃ, to sāhai jattha te visae ||4730||
“jati puṇa0" gādhā | jo so pucchio sāhū jai teṇaṃ na diṭṭhā na vā suyā pucchieṇaṃ vattavvaṃ - anne pucchijjāsi ahaṃ na yāṇāmi | aha diṭṭhā suyā vā to sāhiyavvaṃ - videsaṃ vā gayā, ito vi sāhiyavvaṃ - amugattha gayā | aha nāikkhai hīṇaṃ vā āikkhai vippariṇāmeṇābhavai |
sesesu u sabbhāvaṃ, ṇātikkhati maṃda dhammavajjesu | gṛhayate sabbhāvaṃ, vippariṇati hīṇakahaṇe vā ||4731||
"sesesu0" gāhā | gilāṇa-appasuya-nipphattitassa ppayāṇi jo sāhū jāṇati teṇa sabbhāvo nāikkhiyavvo jahā-gilāṇo so, appasuo so | evamāiṇi te(ṇa) vaṭuṃti kaheuṃ | maṃdadhammā pāsatthāī tesu kaheyavvo | mā saṃsāra[pāra]gāmī saṃsāraṃ paḍau | eyāṇi payāṇi mottuṃ na jānāmi | hīṇaṃ vā kahei jaṃ jāṇai gāmādīṇaṃ nāma paṃthaṃ vā sā vippariṇāmaṇā avi desatthe bhaṇai | agilāṇaṃ vā gilāṇaṃ amaṃdadhammaṃ vā maṃdadhammaṃ bahusuyaṃ appasuyaṃ, bhaṇai tiha jāriso savve paḍibhajjaṃti ṇa vā bahusuī bhavaṃti | tivihaṃ garahaṃ ca se kuṇai |
sīso kaṃpaṇa garihā, hattha vilaṃbiya aho ya hakkāre | velā kaṇṇā ya disā, acchatu ṇāmaṃ ṇa ghettavvaṃ ||4732|| ṇāṇe daṃsaṇa caraṇe, sutte atthe ya tadubhae ceva | aha hoti tihā garahā, kāyo vāyā maṇo vā vi ||4733|| pavvayasi āma kassa tti sagāse amugassa niddiḍhe | āyaparādhigasaṃsī, uvahaṇati paraṃ imehiṃ tu ||4734|| abahussutā'visuddhaṃ, adhachaṃdā tesu vā vi saṃsaggi |
osannā saṃsaggī, va tesu ekkakkae dunni ||4735|| sīso kaṃpaṇa hatthe, kaṇṇa disā acchi kāyigī garihā | velā aho ya ha tti ya, nāmaṃ ti ya vāyigī garahā ||4736||