Biha Kappa v2.p287

v2.p287

[ seṇāpagayaṃ na vi koi vi kaṃci pucchati, ṇitamaṇitaṃ va aṃtoṃ bāhiṃ vā |
āsaṃkite paḍiseho, ṇikkāraṇa kāraṇe jataṇā ||4826||
"na vi koi vi0" gāhā | bāhirā aṃto niggacchamāṇaṃ na ruṃbhaṃti bāhirāo aiṃto, abhitarillāṇaṃ saṃkaṃti tattha bāhiṃ niti | aha āsaṃkiyaṃ to ṇikkāraṇe ṇa vaṭṭai | asya vyākhyā
pauraṇṇa pāṇagamaṇe, cauro māsā havaṃta'ṇugghāyā |
so ta iyare ya cattā, kula gaṇa saṃghe ya patthāro ||4827||
"pauraṇa." gāhā | jo so niggacchai so vi catto, abbhitarallā vi cattā | eesiṃ pavvaio niggao | teṇaṃ bhedo diṇṇo evaṃ abhitarillā cattā | so catto pucchijjato aṇakkhaṃto bajjhejja-cārio tti vā kāuṃ |
aṃto alabbhamāṇe, esaṇamāīsu hoti jatitavvaṃ | jāvaṃtie visodhī, amaccamādī alābhe vā ||4828||
"aṃto0" gāhā | aṃto suddho alabbhamāṇe tāhe esaṇāe jayaṃti jāva visohikoḍīe caulahugaṃ | tāṇi dāṇasaḍḍhādīṇi saṃghavādīhiṃ kareṃti, amaccamāicca bhaṇaṃti so dei, jai avisohikoḍī taha vi gheppai | evaṃ jai caugurue ṇa vi labbhai tāhe |
āpucchita ārakkhita, seṭṭhī seṇāvatī amacca rāyāṇaṃ | niggamaṇa diṭṭharūve, bhāsā ya tahiṃ asāvajjā ||4829|| mā vaccaha dāhāmi, saṃkāe vā ṇa deṃti niggaṃtuṃ | dāṇammi hoi gahaṇaṃ, aṇusaṭṭhādīṇi paḍisedhe ||4830|| bahiyā vi gametūṇaṃ, ārakkhitamādiṇo tahiṃ ṇiti | hita-naṭṭha-cārigādī, evaṃ dosā jaḍhā hoti ||4831|| piyadhamme daḍhadhamme, saṃbaṃdha'vikāriṇo karaṇadakkhe | paḍivattīsu ya kusale, tubbhūme pesae bahitā ||4832||
"āpucchita0" ["mā vaccaha0" "bahiyā vi0" "piyadhamme0"] gāhā | ārakkhiuṃ āpucchaṃti - jahā amhaṃ bhikkhā natthi dāraṃ dehi, jai teṇa visajjiyā tāhe ṇeti | aha so bhaṇejjā - ahaṃ kūraṃ demi | tāhe acchaṃti | aha so bhaṇejja - natthi mama kiṃci bīhemi ya tujjhe visajjeuṃ seṭṭi pi tāva pucchaha | tāhe seṭṭhi pucchaṃti | evaṃ seṇāvaī amaccaṃ