Biha Kappa v2.p293

v2.p293

[ uggahaparimāṇapagayaṃ "iṃdakkhīla0" gāhā | jattha iṃdo uṭhei iṃdamāu vā aṇiṃde vi | jattha rāyā parivasati muddhābhisitto rāyarahie vi jattha ime paṃca parivasaṃti pacchaddhagahitā |
addhāṇasīsae vā, samosaraṇe vā vi ṇhāṇa aṇayāṇe | etesu ṇatthi uggaho, vasahīe maggaṇa akhette ||4854||
"addhāṇa." gāhā | addhāṇasīsayaṃ nāma jatto jattho aḍaviṃ pavisai taṃ pi akhettaṃ samosaraṇaṃ vā, ṇhāṇāṇujāṇaṃ vā kula-gaṇa-saṃghasamavāo vā, eesu natthi uggaho | kiṃ kāraṇaṃ?
bahujaṇa samāgamo tesu hoti bahugacchasannivāto ya| mā puvvaṃ tu tadaṭṭhā, pellejja akoviyā khettaṃ ||4855|| saḍḍhā dalaṃtā uvahiṃ nisiddhā, siṭe rahassammi karejja mannu | pabhāvayaṃte ya ṇa macchareṇa, titthaṃ saladdhī duhato vi hāṇī ||4856||
"bahujaṇa0" ["saḍḍhā dalaṃtā0"] gāhā vṛttaṃ ca | “duhao vi hāṇi''tti sacittassa acittassa | desavirai savvavirai vā na ko vi paḍivajjai | acittassa āhārādi | eesu aṇuggahesu vasahīe maggaṇā sacittaacittāṇaṃ, tīe vasahīe je puvvaaṇunnaviyā tassa uggaho samagaṃ sāhāraṇā |
egālayaṭṭhiyāṇaṃ, tu maggaṇā dūre maggaṇā natthi | āsaṇṇe tu ṭhiyāṇaṃ, tattha imā maggaṇā hoi ||4857|| sajjhāya kāla kāiya, nillevaṇa acchaṇe asati aṃto| vasahigamo pellaṃte, vasahī puṇa jā samāpuṇṇā ||4858|| "egālaya0" ["sajjhāya0"] gāhādvayam | evaṃ acalaṃ bhaṇiyaṃ | idāṇiṃ calaṃ bhaṇṇaivaiyā sattho seṇā, saṃvaṭṭo cauvihaṃ calaṃ khettaṃ | etesiṃ ṇāṇattaṃ, vocchāmi ahāṇupuvvīe ||4859|| "vaiyā0" gāhā | tattha vaiya tti dāraṃjeṇoggahitā vaigā, pamāṇa tūha duha bhaṃḍi paribhoge| samavaiga puvva uggaha, sāhāraṇa jaṃ ca ṇīsāe ||4860||