Biha Kappa v2.p316

v2.p316

cauttho uddeso gaṇadhara eva mahiḍḍī, mahātavassī va vādimādī vā| titthagarapaḍhamasissā, ādiggahaṇeṇa gahitā vā ||4982|| "abbhujjaya0" ["gaṇadhara eva0"] gāhādvayam | paḍhamabiiesu carimaṃ, sese ekkekka caugurū hoti |
savve āsādito, pāvati pāraṃciyaṃ ṭhāṇaṃ ||4983||
"paḍhamabiiesu0" gāhā | titthagarāṇaṃ saṃghassa ya āsāyaṇāe pāraṃciyaṃ pāvai | sesesu suyādīsu ekkekke caugurugā, savvāsāyaṇāe pāraṃciyaṃ |
titthayarapaḍhamasissaṃ, ekkaṃ pā''sādayaṃtu pāraṃcī |
atthasseva jiṇiṃdo, pabhavo so jeṇa suttassa ||4984|| "titthagara0" gāhā | kaṇṭhyā | suttāsāyaṇā pāraṃciyā | idānīṃ paḍisevaṇāpāraṃciyā| paḍisevaṇapāraṃcī, tividho so hoi āṇupuvvīe | duḍhe ya pamatte yā, ṇeyavve aṇṇamaṇṇe ya ||4985|| duvidho ya hoi duṭṭho, kasāyaduṭṭo ya visayaduṭṭho ya | duviho kasāyaduṭṭho, sapakkha parapakkha caubhaṃgo ||4986||
"paḍisevaṇā0" ["duvidho ya0"] gāhādvayaṃ kaṇṭhyam | so puṇa sapakkho | sapakkhe duṭṭho eka 41 | tattha paḍhamabhaṃge imā ṇidarisaṇā
sāsavaṇāle muhaṇaṃtae ya ulugacchi sihariṇī ceva |
eso sapakkhaduṭṭho, parapakkhe hoti ṇegavidho ||4987|| "sāsavaṇāle0" dāragāhā |
egeṇa sāhuṇā hiḍaṃteṇaṃ sāsavaṇāle pavaṇayaṃ laddhaṃ | āyariyassa āloiyaṃ, paḍidaṃsite ṇimaṃtie ya āyariyeṇa savvaṃ samuddiṭuṃ | itaro padosamāvaṇṇo | āyarieṇaṃ lakkhiyaṃ | micchādukkaḍaṃ kayaṃ | tahā vi novasamai | 'māremi' tti vavasio chidaṃ maggati | āyario taṃ lakkheu gaṇaharaṃ ṭhavettā aṇṇaṃ gaṇaṃ gaṃtuṃ bhattapaccakkhāṇaṃ kāuṃ samāhīe kālagao | iyaro gavesamāṇo tattha gaṃtuṃ pucchai | kahiṃ āyariyā ? samādhīe kālagaya tti akkhāe pucchati-kahiṃ sarīragaṃ se pariṭhṭhaviaṃ?
___1. caturbhaṅgī svapakṣaḥ svapakṣe duṣṭaḥ, svapakṣaḥ parapakṣe duṣṭaḥ, parapakṣaḥ svapakṣe duṣṭaḥ, parapakṣaḥ parapakṣe duṣṭaḥ malavṛ | 2. =sarṣapabharjikā malavṛ |