Biha Kappa v2.p320

v2.p320

bhāsagāhā-4998-5012] cauttho uddeso
729 sesagahitaṃ nāma gurubhattimaṃvajjehiṃ jaṃ mattaehiṃ gahitaṃ taṃ aha puṇa eyāe jayaṇāe na bhuṃjaṃti, te ceva puvvavaṇṇiyā dosā | paḍisāraṇānimittaṃ puṇo bhaṇṇati
tivvakasāyapariṇato, tivvatarāgāim̐ pāvai bhayāiṃ |
mayagassa daṃtabhaṃjaṇa, sama maraṇaṃ ḍhokkaṇuggiraṇā ||5005||
"tivvaka0" gāhā (4993) pūrvoktā | bhaṇito kasāyaduṭṭho | idāṇiṃ visayaduṭṭho duviho visayaduṭṭho-sapakkhaduṭṭho parapakkhaduṭṭho ya | ettha caubhaṃge imā gāhā
saṃjai kappaṭṭīe, sijjāyari aṇṇautthiṇīe ya | eso u visayaduṭṭo, sapakkha parapakkha caubhaṃgo ||5006||
"saṃjai kappaṭṭīe0" gāhā | saṃjai kappaṭṭhīe | saṃjao ajjhovavaṇṇo saṃjao gārathie paratitthigiṇīe vā gihatthā saṃjai kappaṭṭhīe gihatthe gihitthīe |
paḍhame bhaṃge carimaṃ, aṇuvarae vā vi bitiyabhaṃgammi | seseṇa ṇa iha pagataṃ, vā carime liṃgadāṇaṃ tu ||5007|| liṃgeṇa liṃgiṇīe, saṃpattiṃ jai ṇiyacchatī pāvo | savvajiṇāṇa'jjāto, saṃgho āsātio teṇaṃ ||5008|| pāvāṇaṃ pāvayaro, diṭṭha'bbhāse vi so ṇa vaṭṭati hu| jo jiṇapuṃgavamudaṃ, namiūṇa tameva dhariseti ||5009|| saṃsāramaṇavayaggaṃ, jātijarāmaraṇavedaṇāparaṃ | pāvamalapaḍalachannā, bhamaṃti muddādharisaṇeṇaṃ ||5010|| "paḍhame bhaṃge0" ["liṃgeṇa0" "pāvāṇaṃ ""saṃsāra0"] gāhāu kaṇṭhyāu cattāri |
jatthuppajjai doso, kīrati pāraṃcito sa tamhā tu | so puṇa sevīmasevī, gītamagīto va emeva ||5011||
"jatthuppajjai0" gāhā | “saṃjai kappaṭṭhie" gāhā (5006) teṇa puṇa seviyaṃ vā taṃ na vā, so ya gīo vā agīo vā hou tao pāraṃcio kīrai |
uvassaya kule nivesaṇa, vāḍaga sāhi gāma desa rajje vā | kula guṇa saṃghe nijjūhaṇāem̐ pāraṃcito hoti ||5012||