Biha Kappa v2.p325

v2.p325

[pāraṃciyapagayaṃ "ittariyaṃ0" gāhā | so puṇa niyamā āyario teṇa sagaṇe na paḍivajjiyavvaṃ, teṇa ittariyaṃ gaṇadharaṃ sagaṇe ṭhāvei, jāva paḍieti | tāhe aṇṇagaṇaṃ gaṃtuṃ davvādisu pasatthesu āloyaṇaṃ dei, tāhe te sāhuṇo niruvasagganimittaṃ kāusaggaṃ kareṃti | syānmatiḥ kiṃ kāraṇaṃ sagaṇe na paḍivajjati ? ata ucyate
appaccaya nibbhayayā, āṇābhaṃgo ajaṃtaṇā sagaṇe| paragaṇe na hoṃti ee, āṇāthiratā bhayaṃ ceva ||5034||
"appaccaya0" gāhā | miyāṇaṃ savvaṃ bhavati - nūnameeṇaṃ akiccaṃ paḍiseviyaṃ, karejjā jeṇa pāraṃcio kao | tāhe te pacchā na bībheti | pacchā pāraṃciyā''ṇaṃ bhaṃjejja te vā tassa pacchātāva ṇa karejjā | niyaṃtraṇā ya na bhavati sagaṇe | paragaṇe tena gacchai | tattha paḍivajjittā ṇiravayakkho khettabahiṃ gacchati | sakosamaṃḍalassa parao |
idāṇiṃ tassa sāmāyārī bhaṇṇaijiṇakappiyapaḍirūvī, bāhiṃ khettassa so ṭhito saṃto| viharati bārasa vāse, egāgī jhāṇasaṃjutto ||5035||
"jiṇakappiya0" gāhā | alevāḍaṃ bhikkhaṃ geṇhai ityādi jārisī jiṇakappiyassa cariyā | jassa āyariyassa sagāse paḍivajjai teṇaṃ diṇe diṇe imaṃ kāyavvaṃ |
oloyaṇaṃ gavesaṇa, āyarito kuṇati savvakālaṃ pi| uppaṇṇe kāraṇammi, savvapayatteṇa kāyavvaṃ ||5036|| "oloyaṇaṃ0" gāhā|
jo u uvehaṃ kujjā, āyario keṇaī pamāeṇaṃ | ārovaṇā u tassā, kāyavvā puvvaniddiṭṭā ||5037||
"jo u uvehaṃ kujjā0" gāhā | jai na vaccai vaddhamāṇī vāhio gilāṇo hojjā| jaṃ paribhāvijjihiti, jaṃ na gāḍhāi jaṃ āyariyo pāvati | "uppaṇṇe0" pacchaddhaṃ | asya vyākhyā
āharai bhattapāṇaṃ, uvvattaṇamāiyaṃ pi se kuṇati | sayameva gaṇāhivaī, aha agilāṇo sayaṃ kuṇati ||5038|| 1. uccādisu a i uccārādisu ba ka ḍa | 2. appaccao iti bhāvyam malavṛ |