Biha Kappa v2.p328

v2.p328

cauttho uddeso abbhatthito va raṇṇā, sayaṃ va saṃgho visajjati tu tuṭṭho | ādī majjha'vasāṇe, sa yāvi doso dhuo hoi ||5054|| ekko ya donni donni ya, māsā cauvīsa hoṃti chabbhāge| desaṃ doṇha vi eyaṃ, vahejja muṃcejja vā savvaṃ ||5055|| aṭṭhārasa chattīsā, divasā chattīsameva varisaṃ ca | bāvattariṃ ca divasā, dasabhāga vahejja bitio tu ||5056|| pāraṃcīṇaṃ doṇha vi, jahannamukkosayassa kālassa|
chabbhāgaṃ dasabhāgaṃ, vahejja savvaṃ va jhosijjā ||5057||
"abbhatthito0" ["ekko ya donni0" "aṭṭhārasa chattīsā0" pāraṃcīṇa doṇha0"] gāhā | kayāi so rāyā bhaṇejjā – ‘ettāhe mama kajjaṃ kareha' | 'kiṃ' ? ti bhaṇai - eyassa muyaha | tassa puṇa pāraṃciyatavassa ādi majjhaṃ avasāṇaṃ vā hojja, tāhe se muccai| jai se jahaṇṇiyāe ṭhavaṇā chammāsā ukkosiyā vā | tīse chabbhāgo dasabhāgo vā avassa oḍhavvo| jai nibaṃdho karei rāyā tāhe taṃ pi muccai appaṇo vā saṃgho āuṭṭesu ejja tassa puṇa annamaiyā uvaṭṭhāvaṇā gihatthaliṃga kāūṇa |
[ pāraṃciyapagayaṃ samattaṃ]