Biha Kappa v2.p334

v2.p334

bhāsagāhā-5078-5087] cauttho uddeso
743 "aṇṇassa va0" gāhā | jeṇa [ṇikkāraṇe] haḍo tammi abbhujjayamaraṇaṃ paḍivaṇṇe abbhujjayavihāraṃ vā paḍivaṇṇe jai anno natthi sīso nipphaṇṇo, tāhe tameva gaṇaṃ dharei jāva tattha ko vi ṇipphaṇṇo bhavai | 'jo ya haḍo kāraṇajjāe' tti -
nāūṇa ya vocchedaṃ, puvvagate kāliyāṇujoge ca |
ajjākāraṇajāte, kappati sehāvahāro tu ||5083||
"nāūṇa" gāhā | koi bahussuo āyariyo | tassa jāṇi suttatthāṇi tāṇi aṇṇattha natthi | tāhe so mā suttatthāṇi vocchijjaṃti tti kāuṃ taṃ ca saṃpaṭṭhiaṃgahaṇadhāraṇāsamatthaṃ jāṇittā tāhe bhatta-dāṇa-dhamma-kahādīhiṃ vipariṇāmettā jhaṃpaṇādīṇi kareṃto visuddho | esa kāraṇe haḍo |
kāraṇajāta avahito, gaṇaṃ dhareṃto tu avaharaṃtassa|
jāhego niṣphaṇṇo, pacchā se appaṇo icchā ||5084|| "kāraṇajāta0" gāhā | sehi tti gayaṃ | idānīṃ āhāravihi tti dāraṃ | ṭhavaṇāgharammi lahugo, mādī gurugo aṇuggahe lahugā|
appattiyammi gurugā, voccheda pasajjaṇā sese ||5085||
"ṭhavaṇā0" gāhā | dāṇasaḍḍhādīṇi ṭhavaṇākulādīṇi, tāṇi āyariehiṃ jo asaṃdiṭṭho aṇuṇṇāto vā pavisai, tassa 0 māsalahuṃ | ekko asaṃdiṭṭho pavisiuṃ imaṃ bhaṇai pucchio vā apucchio vā -
ajja ahaṃ saṃdiṭṭho, puṭṭho'puṭṭho va sāhatī evaṃ | pāhuṇagagilāṇaṭṭhā, taṃ ca paloṭṭeti to bitiyaṃ ||5086||
"ajja ahaṃ0" puvvaddhaṃ | imaṃ ca māiṭṭhāṇaṃ karemāṇo bhaṇai jai puvvataraṃ saṃdiṭuṃ, saṃghāḍao paviṭṭho | saḍḍhehiṃ taṃ bhaṇitaṃ hojjā-saṃdiṭṭhasaṃghāḍayassa diṇṇaṃ ti, tāhe bhaṇai-"pāhuṇagassa0" pacchaddhaṃ | evaṃ māyāe bhaṇaṃtassa māsaguruṃ, te saḍḍhā taṃ jāṇittā aṇuggaho tti maṇṇaṃti hva 4 (caturlaghu), appattiyaṃ kareṃti hvā 4| (caturguru) | jaṃ ca taddavvādivocchedaṃ kāhiṃti | aha tesu vippariṇaesu āyariyāīṇaṃ alabbhamāṇe suddhaṃ suddhaṇaṃ | imaṃ pacchittaṃ
āyarigilāṇa gurugā, lahugā ya havaṃti khamagapāhuṇae | gurugo ya bālavuḍḍhe, sese savvesu māsalahuṃ ||5087||