Biha Kappa v2.p34

v2.p34

|| uvassayapagae udagasuttaṃ || [suttaṃ] uvassayassa aṃtovagaḍāe sīodagaviyaḍakuṃbhe vā usiṇodagaviyaḍakuṃbhe vā uvanikkhitte siyā, no kappai niggaṃthāṇa vā niggaṃthīṇa vā ahālaṃdamavi vatthae | huratthā ya uvassayaṃ paḍilehamāṇe no labhejjā, evaṃ se kappai egarāyaṃ vā durāyaṃ vā vatthae | je tattha paraṃ egarāyāo vā durāyāo vā vasai se saṃtarā chee vā parihāre vā ||2-5||
"uvassayassa aṃtovagaḍāe sīodagaviyaḍakkuṃbhe vā0" suttaṃ uccāreyavvaṃ | sambandho
chor̤haṇa davaṃ pijjai, gāliṃti davaṃ va choṇaṃ taṃ tu | pātuṃ muhaṃ va dhovai, teṇa'hikāro sajīvaṃ vā ||3419|| sītode usiṇode, phāsugamapphāsuge ya caubhaṃgo | ṭhāyaṃtagāṇa lahugā, kāsa agītattha suttaṃ tu ||3420|| aṇubhūyā udagarasā, navaraṃ mottuṃ imesi udagāṇaṃ |
kāhāmi kouhallaṃ, pāsuttesuṃ samāraddho ||3421||
"choḍhūṇaṃ0"["sītode0" "aṇubhūyā0"] gāhā | kaṇṭhyā | ahavā taṃ ṇijjīvaṃ imaṃ ṇijjīvaṃ sajīvaṃ vā | esa sambandhaḥ | sītodagaṃ saccittaṃ acittaṃ ca | usiṇodagaṃ saccittaṃ accittaṃ ca | ete cauro bhaṃgā| taṃ puṇa udagaṃ imaṃ hojja -
dhārodae mahāsalilajale saṃbhārite vva davvehiṃ | taṇhātiyassa va satī, diyā va rāo va uppajje ||3422|| iharā kahāsu suṇimo, imaṃ khu taṃ vimalasītalaṃ toyaṃ | vigayassa vi ṇatthi raso, iti seve dhāratoyādī ||3423|| vigayammi kouyammī, chaṭṭhavayavirāhaṇa tti paḍigamaṇaṃ | vehāṇasa ohāṇe, gilāṇaseheṇa vā diṭṭho ||3424||