Biha Kappa v2.p353

v2.p353

[vāyaṇāpagayaṃ
visesacuṇṇi [vāyaṇāpagayaṃ]
[suttaṃ] tato no kappaṃti vāittae, taṃ jahā-aviṇīe, vigaīpaḍibaddhe, aviosaviyapāhuḍe ||4-10||
saṃbaṃdha:paṃḍādī paḍikuṭṭhā, chavvidha kappammi mā vidittevaṃ |
aviṇītamādititayaṃ, pavādae esa saṃbaṃdho ||5197||
"paṃḍādī paḍikuṭṭhā0" gāhā | kaṇṭhyā | ahavāyaṃ sambandhaḥ adhastānantarasūtreṇa sākaṃ vaiśeṣikaḥ|
sikkhāvaṇaṃ ca mottuṃ, aviṇiyamādīṇa sesagā ṭhāṇā |
ṇegaṃtā paḍisiddhā, ayamaparo hoti kappo u ||5198||
"sikkhāvaṇaṃ0" gāhā | gahaṇasikkhaṃ mottuṃ je aṇṇe pavvāvaṇādi paṃca payā te aviṇīyamādiyāṇaṃ ṇa egaṃteṇa paḍisiddhā | chavvihāu daviyakappasuttāu aviṇīyasuttassa esa saṃbaṃdho traya iti saṃkhyā vāyaṇā-sutte atthe tadubhae ya |
vigai aviṇīऍ lahugā, pāhuḍa gurugā ya dosa āṇādī | so ya itare ya cattā, bitiyaṃ addhāṇamādīsu ||5199||[ni0] aviṇīyamādiyāṇaṃ, tiṇha vi bhayaṇā u aṭṭhiyā hoti | paḍhamagabhaṃge suttaṃ, paḍhamaṃ bitiyaṃ tu carimammi ||5200|| iharā vi tāva thabbhati, aviṇīto laṃbhito kimu sueṇa | mā ṇaṭṭho ṇassihitī, khae va khārāvaseo tu ||5201|| gojahassa paḍāgā, sayaṃ payātassa vaḍrayati vegaṃ | dosodae ya samaṇaṃ, ṇa hoti na nidāṇatullaṃ vā ||5202|| viṇayādhītā vijjā, deṃti phalaṃ iha pare ya logammi| na phalaṃti viṇayahīṇā, sassāṇi va toyahīṇāiṃ ||5203|| rasalolutāi koī, vigatiṃ ṇa muyati daḍho vi deheṇaṃ | abbhaṃgeṇa va sagaḍaṃ, na calati koī viṇā tīe ||5204||